Aizawl March 14, 2024 : Zamuang Arecanut Grower’s Co-Operative Society Ltd (ZAGCOS) te chuan an Kuhva chin chu enkawl ngai tak a nih avangin kum tina rah tha tur chuan lei tha hmanga enkawl an ngaih avangin sawrkarin chu leitha (fertilizer) subsidy-a an lei theih turin a rang lama hma laksak turin an ngen.

Zamuang Arecanut Grower’s Co-Operative Society Ltd (ZAGCOS) Zamuang khua chuan Kuhva huan siam chu an eizawnna pui ber a ni a, Tlang ram lo neih hi an bansan tawh an ti. Kuhva huan siam a eizawng hi chhungkaw 300 velah an inchhal a, 2024 - hian chhungkaw 50-in kuhva huan an siam thar leh mek. Kum 2023 chhunga Zamuang kuhva chingtute Kuhva kan hralh zat kan lak khawm chu Rs 6,75,40,000 (Nuai zaruk sawmsarih panga singli) a ni, an ti.

Zamuang Kuhva leitu vai mahajon te hian Mitdellui kal tlangin Assam-ah an kal pui thin a. Mahse, Assam ram chhungah harsatna an lo siam thin avangin Kuhva chingtuten nasa takin an tuar a, an kuhva pawh duh angin an hralh to thei lo, niin an sawi.

2024 hian tuna Kuhva an hralh dan aia tha leh hlawk zawk ngaihtuah sak a, a kal kawnga harsatna awm thei te min chinfelsak turin thuneitute an ngen a. Sawrkarin lei tha (fertilizer) subsidy-a an lei ve theih nan a ranglama hma laksak turin an ngen.