December 14, 2023; Thlasik boruak hnuaiah zan dar 9 bawr velah pawh Aizawl ah chuan lirthei veivak an la tam hle a, hmun thenkhatah chuan traffic jam a la nasa hle.

Krismas a hnai a, chumi in a ken tel chakkhai lam a bazar te, kawn chei fangte bakah AR Lammual a Winter Festival chhim mi tam tak an awm bawk a, hengte vang hian a bikin, AR ground leh a chhehvelah mihring an tam a, lirthei veivak a tam bawk avangin zanin dar 9 vel thleng pawh khan traffic jam a la nasa hle.

Thlasik boruak vawt tak hnuaiah mihring chhuak vak an tam miau avangin kawngsir a ei tur zuar inpho pawh an tam a, chung hmunte chu an lun em em vek a, an la lun chho zel rih dawn ni pawhin a lang.