Zanin tlai dar 6:30-a  Group D atanga ram langsar pahnih inkhel tur hian ngaihven a hlawh hle a, zanin tlai a chak zawk te hian group leader nihna hun tha an nei thei dawn a, chu bakah group a pakhatna nih hian round of 16-a an team hmachhawn leh tur a hrilh chhoh zel dawn avangin tha an thlahin a rinawm loh.

England hi tun Euro-a squad tha ber pawla sawi a ni a, player langsar tak tak leh mi hming thang tak tak an awm nual a ni. Chutih rualin, Croatia lam hi an veteran midfielder Luka Modric leh Kovacic ten an rawn ho dawn a, zuam sual palh awl tur tak an ni. 

Croatia hi tualchhung buaina nena inchiahphiah fo, ram ralmuang lo an nih vangin ram hmangaihna kawngah thalai te an thangharh hle a, hei vang hian ram tana an khelh hian an player te hian beisei bakin an khel tha fu thin niin an sawi. England lamah hian Harry Kane, Sterling, Mason Mount leh Sancho tih vel an awm tih kan hriat bawk kha. 

World Cup 2018 khan semi-final ah heng team pahnih te hi an intum a, England hi tlawm zawkah an tang. Khami tuma tlawmpuitu coach Southgate khan England ala enkawl a, tlawm nawn a duh tawhin a rinawm loh. England phurna siamturin an Stadium ngaihsan Wembley-a khel tur an nih vang hian team pahnih player te phur dan chu a inchen lo deuhin a rinawm.