Zaithiam chuai thei lo Lily Lalthakimi chuan music video a siam thar leh ta a, zaninah tih chhuah a ni ang. 

Lily-i hla thar hi 'Tihdam i duh em' tih a ni a, zanin dar 7:00 hian Tlau Entertainment YouTube channel-ah upload a ni ang. 

He hla hi R. Thanchhunga phuah niin, a satu aw nen pawh a inmil hle a, ngaihthlak man hla tur tak a ni. Music track leh recording hi Zonun Recording Studio kut chhuak a ni. Zonun Recording Studio neitu hi rimawi khawvela hriat hlawh berte zinga mi Darthuama niin, a kut chhuak hi belhchian a dawl a, mipui ngaithlak tur rimawi tha ber ber a lo chhawpchhuak tawh thin a ni. 

'Tihdam i duh em' tih hla hi hla thu tha tak mai, ngaihthlak nawn fo tur chi a ni. A thu nawn 

Tihdam i duh em,
Lal Isua pan mai rawh,
Englai pawhin a nghak reng che,
Tunah pan rawh i dam ngei ang.

He hla satu Lily Lalthakimi hian tun hnai khan Salvation Army, India Eastern Territorry-a an hotu lu ber Commissioner Lalzamlova pualin 'Kan Tiam Mawlh Lo' tih hla a lo sa tawh bawk a ni.