Aizawl; Nimin zing dar 9:30 khan Zemabawk Beraw vengah nausen thla kim lova piang chhar a ni a, a lo la dam avangin damdawi In panpui nghal a ni a, doctor ten a nunna chhan tuma theih tawp an chhuah chungin nimin tlai dar 3:15 khan a thi. He naute hi kawngpui atanga ft. 3 vela hla-ah nula pakhatin kawngsirah a hmu a, a tirah chuan zawhte thi emaw ti a. Zemabawk MHIP hruaitute punin naute hi an finfiah a, a lo la thih loh avangin Presbyterian Hospital, Dur-tlang an panpui nghal a ni. Naute hi up nghal a ni a, theihtawp chhuaha enkawlin, a dam chhuah leh theih beiseina sang tak an neih avangin a hmingah Lalchhanchhuahi an sa nghe nghe. Lalchhanchhuahi hi Lawmna Ward chuan a nunna chhan tuma theihtawpa an bei chung pawhin an chhan thei ta lo a, nimin tlai dar 3:15 khan a thi a ni.