Tun hnaia zirchianna pakhat chuan hripui leng avanga inkharkhip chuan naupangte rilruah nasa takin nghawng a nei a, naupang zingah ina tawp chawtte aiin pawn lama infiam thin ten rilru lamah harsatna an tawk tlem zawk tih an tarlang. 

Zirchianna beitute hi University of Cambridge leh University of Sussex-a researcher te an ni a, an thil hmuh chhuah hi a rintlak ngei ang tih a rinawm. Zirchianna atanga a landan chuan leilung nena inzawmna nei tha huan leh ram khawi ilo hmuna khawsa tamte dinhmun a tha hle a, naupang zingah intihhlimna leh infiamna hmun nei thate chuan harsatna an tawk nep viau bawk. 

Heng nature nena inzawmna nei tha naupangte hi chuan harsatna an tawk nep hle a, ina tawm nasa naupangte aiin an rilru a hrisel zawk a ni an ti. 

Nu leh pa hmun thuma thena hmun hnih zet chuan an faten nature an hmuh dan an thlak thu leh, a hma zawng aia ram leh nungcha an ngainat tak thu an sawi a ni.

University of Cambridge-a an researcher Samantha Friedman chuan hei hi naupang chauh ni loin puitlingah pawh a dik tih sawiin, nature ngainat lamah nasa takin intlansiakna a thleng tih a sawi a ni.