Aizawl March 16, 2024 : Foundation For Drug-Free Mizoram chuan vawiin khan Govt. Champhai College Multipurpose Hall ah Drug Awareness Campaign chu he college a Anti-Drug Cell te nen an buatsaih a. He hun hi Champhai district MJA President Lalhlupuia chuan khuallian niin a hmanpui a, Champhai chu ruihhlo in hnaivai taka a chiahpiahna hmun nimah se, thangthar zawk ten ruihhlo that loh zia hria in; inhnamhnawih loh an thlang chho mek tih a sawi.

"Ruihhlo tel lo nun duhawm zawk" tih thupui hmanga ruihhlo that loh zia inzirtirna buatsaih ah hian zirlai mi 400 te chu ruihhlo laka fihlim turin an intiam a. He huna resource person Nl. Zothanmawii hnen atangin mahni inngai hlu a, ruihhlo thiana siam lo turin a chah. He pawl dintu Vee Mathara pawhin thusawiin Mizoram hmun tinreng suar tluana pawl anga hma an lak zelna turah tawiawm turin khaw tin te a sawm.