March 6, 2024; Saikhamakawn a pawl 10 exam lai zirlai chemte a vittu chu man a la ni lo a, zirlai hian exam a chhunzawm thei lo.

March ni 3, 2024 zan dar 8 rik hma deuh khan Saikhamakawn, Aizawlah rukruk tum ni ngeia hriatin pawl 10 exam mek zirlai kum 16 mi chu an chenna in ah a vit a.

Zirlai hi a chhungten a exam lai a nih avangin an inkhawm san a, inhnuai lama a awm laiin inchung lamah thawm a hria a, a han chho chu an in rawk tum hmai tuam hmuin, rukruk tum hian a lo vit a ni.

Misual hi a tlanbo nghal a, hliam tuar zirlai hi Civil Hospital, Aizawlah hruai niin, admit a ni a, nimin khan damdawiin a chhuahsan.

He thil thleng chungchangah hian police ten thubuai an ziaklut a, he thu ziahlai thleng hian pawikhawihtu man a la ni lo.

Misual kuttuar hian exam a chhunzawm thei lo a, hetihlai hian kum a hloh loh nan exam a chhunzawm theih dan tur school education dept. lamin ngaihtuah an tum niin ZALEN chuan thu a dawng.

Thlalak : MZP in an zirlai pui chemte a vih an kan