Ni hnih awh tur, Zirna In Pual Mizo Hnam Lâm Intihsiak chu Ningani khan tan a ni a, zirna in 70 an tel.

Zirna inte tana hnam lâm intihsiakna hi Mizo Cultural Organisation (MCO) Gen. Hqrs, School Education Department, Tourism Department leh Mizoram State Sports Council (MSSC) te buatsaih niin Ningani khan Vana Pa Hall-ah Tourism Department Director Saitluanga’n a hawng.

Intihsiak hi category pathum - college/university, high/higher secondary school leh middle school-ah then a ni a. Huang hrang hrangte hi an intihsiakna a inang lo hlawm thung.

College/university huangah cheraw kântluang leh chheih lâm hmangin an inel a, high/higher secondary school huangah cheraw kântluang leh sarlamkaiah inelin middle school zirlaite chu cheraw kântluang leh chawnglaizawn hmangin an inel thung.

Intihsiakna hi Zirtawpni chhunzawmin tlaiah result puan leh lawmman semna hun hman a ni dawn a, Eduction Minister Lalchhandama Ralte-in khuallian nia hmanpuiin MCO Gen. Hqrs President Robert Romawia Royte chu inkhawm thlengtu a ni bawk ang. 

Intihsiak hi LPS 1, ZONET Bawhbel ten live-in an pe chhuak a, MCO Gen. Hqrs-in an YouTube channel-ah an live bawk.

LAWMMAN:
College/University:
1-na: Rs. 50,000, trophy, certificate & Thenzawl Golf Course tlawh
2-na: Rs. 30,000, trophy & certificate
3-na: Rs. 20,000, trophy & certificate
(Top 5-a lang pahnihte tan Rs. 5,000 ve ve)

High/Higher Secondary School:
1-na: Rs. 50,000, trophy, certificate & Thenzawl Golf Course tlawh
2-na: Rs. 30,000, trophy & certificate
3-na: Rs. 20,000, trophy & certificate
(Top 5-a lang pahnihte tan Rs. 5,000 ve ve)

Middle School :
1-na: Rs. 50,000, trophy, certificate & Thenzawl Golf Course tlawh
2-na: Rs. 30,000, trophy & certificate
3-na: Rs. 20,000, trophy & certificate
(Top 5-a lang pahnihte tan Rs. 5,000 ve ve)