February 7, 2023; Gov’t. Hrangbana College Students’ Union ten zirtirtu pek belh an phutna sawrkarin a tihhlawhtlin loh vangin an college tual, chanmari kawn ah zirlaite an pungkhawm.

Gov’t. Hrangbana College Students’ Union chuan thuchhuah siamin sawrkarin zirtirtu a pek belh loh chuan lungawi loh lantir an tum tih thuchhuah siamin an lo tarlang tawh a. Hrangbana College-ah hian zirlai 2,234 awmin zirtirtu 68 an awm a, heng zinga zirtirtu paruk sawn chhuah tur a tih an ni a, post ruak hnawh khat turin zirtirtu pathum chiah dah tura tih a ni.

Tun dinhmunah hian subject thenkhatah February thlaa professor superannuation pension tur pahnih an awm a, kuminah professor pension tur eng emaw zat an awm bawk tih an tarlang a. Sawrkar hnuaia college zirlai tam berah hian class lak hleih theih loh khawpin professor an indaih lo tih tarlang bawkin, an mamawh zirtirtu a rang thei ang bera pe turin sawrkar an phut a ni. 

HBC zirlaite hian February 6, 2023 hmaa chhanna an hmu lo a nih chuan tiam chin awm lova lungawi loh lantir an tum tih an lo tarlang bawk.