Tualchhung

ZMC-ah ICU khat, Covid ward siam belh ngai

Admin - May 04, 2021

Ward a khat a, indah luh belh hleih theih pawh a ni rih lo

Aizawl : Mizoram sawrkarin Covid -19 vei te tana a bik taka a buatsaih, ZMC chu tunah hian damlo dah belh hleih theih lovin khat tawh niin ZALEN chuan thu a dawng.

Tun dinhmunah ZMC ah hian ICU chu a khat reng a, ward-ah pawh indah luh hleih theih a ni tawh lo a, khum an in daih tawh lo niin, thu thudawnna rintlak tak chuan a sawi.

Thudawnna hian a sawi dan chuan damlo te hi a hma lama mi te ang kha an nih tawh lo thu sawiin, natna langchhuak, tuar na tak tak an ni hlawm tih a sawi a, a hma anga chhuah zung zung theih an ni tawh lo tih a sawi bawk.

Tun dinhmunah damlo enkawlna hmun tur wàrd hran ngaihtuah ran a tul thu leh Lockdown pawh a hma aia khauha kalpui a tul nia a hriat thu a sawi.

Hetihlai hian ZMC lam chuan tun thlengin buai lutuk lovin an la kal thei hram hram niin an sawi a , ward lamah pawh a tul ang zelin khum an dah belh thin thu an sawi. ZMC Director Dr. John Zohminga chuan, "Tunah chuan ka la kal thei naw naw rih e. Ward dang siambelh thuai erawh kan ngai. A mangan thlak khawp mai. Mahse, sorkar lam pawhin min ngaihtuah reng a, buaina lutuk kan thlen loh ka beisei. Damlo te pawh a tul ang zelin ICU leh ward pawh kan siksawi mai thin a ni," a ti ve thung.

ZMC ah hian ventilator hman ngai mi 7 awm mekin na zual tak tak an nih thu dawn a ni a. Kar 2 dang lockdown pawtsei turin Chief Minister Zoramthanga hnenah thlen a nih chu Dr ZR Thiamsanga, MoT Chairman chuan a sawi niin thudawn a ni bawk. Covid damlo enkawlna tur hmun remchang dap turin Local Task Force te a ngen bawk nia thudawn a ni.