Falkawna Adventist Kohhranin khualbuk an sak chu Pastor Tawkthanga, President, Northeast India Union-in Zirtawpni khan a hawng.

Zoram Medical College (ZMC)-a damlote tan leh a mamawh apiangte tana buatsaih khualbuk hawnnaah hian Pastor Tawkthanga chuan damlo tinte leh a mamawhtu tinte tana malsawmna ni turin Pathian hnenah a hlan.

Pastor Biakzidinga Renthlei, President, Mizo Conference chuan khualbuk buatsaih tan a nih dan a chhante a sawi a. Damlo leh a awmpuitu thlenna baihvaite tana thlenna tura buatsaih a nih thu leh Adventist Kohhran member-te tana buatsaih a nih rualin kohhran member-te ni kher lo pawhin an chhawr tangkai theih tur thu a sawi.

Khualbukah hian double room pathum leh dormitory pakhat a awm a. Room khat luah man hi Rs. 300 a ni a, dormitory hi Rs. 100 a ni thung.