ZALEN July 1, 2024; 'Ride to clean air’ tih thupuia hmanga thirsakawr hmanga India ram fang mektu, Vanlallawmzuala Varte (LZa) s/o VL Chhuanawma, Mission Veng chu nimin thleng khan km. 11,010.67 tlan tawhin, Jammu & Kashmir a thleng tawh a, a zinkawng hi a la chhunzawm zel dawn a ni.

Lz-Varte hian state 19 (Bihar a tlan tlang nen state 20 bakah, a tlan tanna Mizoram nen, state 21) a tlan tlang tawh a. A tlan tan a tangin ni 155 a thang tawh a, a thlen chin hmun thenkhatah Mizo ten tha takin an lo dawng sawng a, state hrang hrang a pollution control board lam pawhin tha takin an lo dawng sawng thin bawk.

Hetiang hi LZ-a tlan tawhna te a ni :-

JANUARY : Mizoram, Tripura

FEBRUARY : South Assam, Meghalaya, Assam, North West Bengal, East Bihar, 

Jharkhand, West Bengal and Odisha

MARCH : Chhattishgarh, East Maharashtra, Telangana, Andhra Pradesh, Tamil Nadu and Karnataka

APRIL : Central & Southern tip - Tamil Nadu, Kerala, Western Coastal Karnataka, Goa and Maharashtra

MAY : Maharashtra, Gujarat, Madhya Pradesh

JUNE : Rajasthan, Haryana-Delhi (NCT-UT), Punjab, J & K  

Tarlan tawh angin, Lz-a hian nikum May thla khan Lailapur, Assam atangin Mizoram chhim tawp, Khaikhy thleng ke ngatin a lo kal chhuak tawh bawk a, km 623 hi ni 18 leh darkar 13 chhungin a thleng hman a ni. Ke a a kalna ah khan faina chungchang tlangaupuiin, bottle 7,000 chuang a chhar a, chung bottle te chu khaw tin bawlhhlawh paih na hmunah a paih a ni.

MONTH-WISE KM TRAVELLED - 2024

January : 528.58 km 

February : 2,609.56 km 

March : 2,625.97 km 

April : 2,269.73 km 

May : 1,825.62 km 

June : 1,151.21 km