Zonet programme thar 'Zonet Arkaiden Zan' chu May 17, 2024 (Zirtawpni) zan atang hian tan a ni dawn ta. A vawi khatna hi zan dar 8:00pm-ah tihchhuah a ni dawn a, Zonet Zawlbuk, HD leh Empai Apps lamah te live-a pek chhuah a ni ang. Thla tin he programme hi hman thin a ni dawn a, show director hi Danny Vanchhong a ni ang. 

Tun tumah hian Mizo hmeichhe zinga mi bik, zai thiam, hla phuah thiam leh thuziak thiam ni bawk, fam ta Lalsangzuali Sailo pualin hun hman a ni ang. Lalsangzuali hla phuah leh lo sak larte hmangin tun lai zaithiam ten he hun hi an rawn hmang dawn a ni. Zai tur te hi - Kimkima, Guru Gee, David Darlong, Zothana, Zorinzuali Khiangte, Mary Dawngi leh Fawni te an ni. 

Musician te hi Asanga, Opa, Davida leh Sanga te an ni ang. He show hi Zonuni Pachuau-in a kai hruai dawn a ni. Lalsangzuali'n a hunlaia a lo larpui leh a hla phuah mawi tak takte he hunah hian chhawp chhuah a ni dawn a, sound hi Wave Records & Sound Rental te an ni. Stage hi Mark Events lamin an buaipui ang. 

Mizo nu chhuanvawr Lalsangzuali Sailo (L) puala hun hman tur hi Zonet Zawlbul, HD mai bakah Empai Apps lamah en theih a ni a, en turin mipui an sawm tak meuh a ni.