DOWNLOAD OUR APP

Read latest news on your phone
app-store

ZORAM KAL SIAM KAWNG - 2

May 22, 2022

Aizawl khawpui chhung tawt lutuk leh kawng zim lutuk tih ziaawm nan Mizoram Secretariat pawh Luangmual lamah sawn turin buatsaih a ni a Sorkar dang a lo ding a an chhunzawm lo ta mai a ni a pawi thui tak a ni. Tunah motor a tam a kawng a zim si tih ngaihna a vang kawng chhawngte siam kan tum a siam tak tak ni thei se a duhawm khawp mai. 

H. Thangluaia

Tun tum chu kan thu hmasa a kan sawi tawh angin Zoram Kal siam Kawngthuampuiah hian khaw thlang lam i han hawi teh ang. Chutih lai chuan, Mizoram hi State puitling kan nih hnu a Zofate tan a thil hriat reng tlak leh chhawrnahawm tak thil pahnih a awm. Chung te chu Hydel Project kawlphetha siamchhuak thei kan nei a, a dang leh chu Mizoram Institute of Medical Education And Research (MIMER) a ni. Kan hriat thiam zawngin doctor zirna hmun pawimawh tak Falkawn a mi hi a ni. Doctor zir turin State dangah seat harsa takin tlem te kan hmu thei a, tunah chuan seat 80 teh lawih kan nula tlangval te'n kumtin an zir thei ta a. Hei hi thil ropui tak chhinchhiah tlak a ni. Heng thil pahnih ka sawi te hi Congress rorel lai hun a kan neih a ni. Rorelna han inthlak a Zoram Medical College (ZMC) kan han ti  mai te hian kei mimawl ngaihdanah chuan a hming hian a nihna a ti nep deuh lawm ni aw ka ti. Sorkar hmasa hnathawh, thil tha hlamchhiah mai lo a chhunzawm zel hi mipuitling hna a ni. 

Aizawl khawpui chhung tawt lutuk leh kawng zim lutuk tih ziaawm nan Mizoram Secretariat pawh Luangmual lamah sawn turin buatsaih a ni a Sorkar dang a lo ding a an chhunzawm lo ta mai a ni a pawi thui tak a ni. Tunah motor a tam a kawng a zim si tih ngaihna a vang kawng chhawngte siam kan tum a siam tak tak ni thei se a duhawm khawp mai. 

Khawthlang lamah kan chaklakna awlsam tak  Mamit district in an neihna turte hi kei ai aiin kan hre theuh awm e. Ka la kal ve loh avangin ka hriatna a tlem, mahse Mamit atangin Kanhmun hi 80km vel niin ka hria a, Kanhmun chu Tripura ramri dep a Mizoram khua awm a ni . Chuta tang chuan Kanchanpuiah te Panisagarah te chu ai hla deuh Dharmanagar khua te an awm a, heng khaw chheh vel ah hian Tripura a cheng Mizo tam tak an awm  nghe nghe a ni. Chung hnam te chu Chawrai, Halam, Darlawng, Mawlsum leh Kaihpeng te pawh an awm. Chuvangin heng lai hmunah hian Indian Oil te Assam oil te duhtawk a lei tur a awm a, harsa lo takin Mamit atangin a lak theih a ni. Heng hmun khua kan sawiah te hian Zampui Tlangdung  chu Mizoram a hnaih zual bik vang nge ni Duhlian tawng hi an hmang tlangpui nghe nghe a ni. Tichuan Mizoram khaw thlang lamah pawh chaklakna kawng hi harsa lo tak a lak mai theihna a awm bawk a ni.
 
Sawi tawh angin Mizoram House Agartala khawpuiah han nei ngat phei ila chu duhthusam a ni. Mizoram House lo nei ta ang ila kan Mizo unau te heng lai hmun a cheng te hian Mizo nih an chak zual sawt ang a, an thlamuan pui hle dawn a ni. Heng lai ram a Mizo awmte hian an  bul vel a hnam dang chengte nen hian harsatna neuh neuh pawh an nei thin a, an thlavang hauhtu tur pawh Mizoram House te lo nei ila chu an thla a muang sawt ang. Kan inunauna hi a nghet chho deuh deuh zel ang tih hi a rinawm a ni. Mizoram House-ah te hian a ram mite officer hnuai lamah chhawr ta ang ila Duhlian tawng an rawn zir chho anga tawng lamah pawh ti hmasawntu a lo ni thei ngei ang. Tin sakhuana lam thu ah pawh Kristian nilo heng Mizo hnamte hi an la awm a kohhran pawl hrang hrang te pawh in rawngbawlna an lo neih te khu an than chak phah zel ang tih pawh a rinawm. Kawng engkimah heng hnam hnufual tak tak Mizo te hi khawvel khawsaknaah leh rinna lamah pawh chawikangtu a nih ngei a beisei awm hle bawk a ni.

Assam ram Thinghlun hmar lamah khuan Mizo khua Zaite, Zailian,Thinghlun, Rawnpur leh khaw te tak te te Mizo khua a awm a. Heng khaw hming te pawh hi vai tawng vekin Zaite chu Chhotra Bhubhirban, Zailian chu Borro Bhubhirban leh Rawnpur pawh chu Rangpur tiin map-ah te chuan a chuang nghe nghe. Heng khua te hi Mizo khua vek an ni. Khawthlang lamah hian kan rilru hi hawitir tak tak ila kan Mizo pui Tripura leh Mizoram hmar thlang lam a Mizo awm te hi an thlavang kan hauh ani ang a an thla muan phah hle ang. Heng ram te hi kan pipu atanga kan luah ram ani tih hi kan hriat chian a tul hle bawk a; khawvel ram then ina  zir loh avanga Tripura leh Assam ramah te rin luh mai an ni zawk tih pawh hi ka hriat a tha ang. 

Heng kan sawi tak Mizo Tripura ram a cheng te hi kan tawng tual leng Duhlian tawng nen hian ala in zul hle. Han bihchian a han chhiar chuan a thusawi a la hriat theih hle a ni. Entirnan Johana 1:1-5 thleng hi Darlawng tawng, Chawrai tawng leh Hrangkhawl tawng in kan han chhawp chhuak e. Ngun takin lo chhiar la kan tawng inhnaih dan i hre thei mai ang.

DARLAWNG TAWNG – A tirin thu a awm, Thu chu Pathian hniangah a awm. Thu chu Pathian a chang. Ama chu a tirin Pathian hniangah a awm. I kapai ama siam a chang, thil siam kapai hi ama siam a lo i hawm a awm nawh. Amaah chun nunna a awm a, ma nunna chu man masihei inengna a chang. Eng chu zing laiah a hawng var a zingin ama chu a hawi nawh.

CHAWRAI TAWNG – A phut takin chong a om, chong ha Pathien kawma a om, chong ha Pathien keng. Ama ha a phutin Pathien kawma a oma. Arenga dawra Ama ei sin zit keh; neinun ansin dawra hi Ama ei sin nawk ite om nak. Amaa damna a oma; hama damna ha munisi ngei ra-ang keh. Ra-ang ha azing bila ahong vara, azingin hama ha lei riet mak.

HRANGKHAWL TAWNG –A phut taka Thu a om, Thu kha Pathian kuang a oma, Thu kha Pathian a ni. Ama kha a phut rengata Pathian uang a om. Ama hmanga itinreng siam a nia; thil siam reng reng ama isiam loi ite om mah. Amaa hringna a oma, kha hringna kha mihriamhai varna ani. Var kha inthimna a zuang vara, inthimin kha kha inhre mah.

Khawthlang lam Mizo te tawng a Pathian thu kan rawn chhawp chhuah hi kan sawi zau hman tawh lo ang hmun a luah sei dawn. Tichuan, Zoram Kalsiam Khawngthuampuiah hian thlang lamah chaklakna hnai tak a awm a Aizawl atanga phur thlak kher a ngai lo .

Share now