ZALEN December 6, 2023 : Kum 2023 Mizoram MLA Inthlanpuia MNF Party in sawrkarna a chan zawh tak loh avanga MNF Party President Zoramthanga'n ama mawhphurhna (moral responsibility) a ngaia MNF Party President a nihna atanga banna a thehluh chungchang chu vawiin khan MNF National Core Committee leh MNF Political Affairs Committee Joint Meeting neih a ni a, an president in banna a thehluh chu an pawm lo.

MNF Senior Vice President Tawnluia chuan Joint meeting chuan tun inthlana an chaklohna chu amah Zoramthanga mawhphurhna bik nilovin an zavaia an mawh a nih thu a sawi a. President atanga ban (resign) a rawn dil chu Meeting chuan a pawm lova. Chuvangin MNF President anih na hi chelh zui zel se an tih thu a sawi bawk.