Aizawl December 9, 2022: Lengteng bial chhung khaw hrang hrang fang tura fehchhuak ZPM Working President K Sapdanga chuan Lengteng South Block ZPM bultuma an lo hmuahna Kawlkulha thu a sawi naah ZPM a sawrkar chuan dan a lal ber ang a, corruption a kimki ber dawn niin a sawi.

ZPM Working President chuan, "ZPM party hian inthlan kan inbuatsaihnaah hian thil thenkhat dah nil tum kan nei a, chu chu hleprukna a ni. Tunlai hian hleprukna ai pawi kan hotuten tih an nei a, chu chu thuhruk a ni. Mipuite’n chhiah kan pe khawm thin a, chumi chhiah tlingkhawm chu budget kan tih hi a ni. Chumi tlingkhawm chu tunah hian a chahbi kawltute’n an hlepru mai ni lovin an thukru duh a ni. Vantlang sum thuhruk hi ZPM a sawrkar hunah chuan pawh let leh vek kan tum a ni. Mihring thain a thei kher lovang, mahse Dân in a thei a, Court-in a thei a ni. ZPM a sawrkar chuan dan a lal ber dawn. Danin ro a rel dawn a, dan a zalen ber ang a, corruption a kimki ber dawn a ni. Chu chu ZPM chuan kan tiam a ni,” a ti.

Sapa chuan, “Thil pakhat ZPM-in nuai bo kan tum leh chu last minute politics a ni. Inthlan dawnah pawl thenkhat chuan ipte chei an ak a, thim hnu atangin an feh chhuak a vote an zawng thin a ni. Hûm neiiin chibai an sem thin; he last minute politics hi kan ngai pawimawh dawn a nih chuan political party hian policy neih a ngai lo. MLA atan mi rinawm neih a ngai lo a, rem hria nih pawh a ngai lo, pawisa ngah apiang candidate-ah neih mai tur a ni. Min bialtu atan hian ram vei nge kan duh vote thlak dawn a sum sem thei tih ngaihtuah chungin vote thlak tur a ni a, kan rilru pawh kan sen a ngai a ni. Hei hian miretheite min tirethei leh zual a, hausate a ti hausa leh zual a ni. Retheih chhunzawm zel nge kan duh khawvar sawrkar tih hi kan buk ve tawh dawn a ni. Pathian leh mipui zara kan lo sawrkar ve a nih chuan thluaka sum lut hi kan hnawtchhak dawn a, sum nilovin mipui kan buaipui dawn a ni. Ba rulh nana puk theih zawng zawng, bat theihna zawng zawnga sum an ba mai hi a manganthlak, a chhuanmang rorêl a ni. Hetiang ringawta ram rorelna a awm hi a ninawm a, he Kristian ram atanga hnawt bo tur hian kan party hi thawkrim ber party nih kan tum. Party thenkhatten sum an sem hnem ber a nih pawn ZPM chuan tha hman hnem ber a tum a ni. ZPM chu thawk tam turin kan inzirtir a, sawrkar thar kan tuaknaah pawh thatchhe tura inzirtir a sum fai sem pawl leh taima tura inzirtir a hnathawk tura infuih a thlai thar lei tumte kan indo dawn a ni,” a ti bawk.