Aizawl 19th  March, 2021: vawiin khan Joint Electricity Regulation Commission (JERC) chuan vawiin khan Aijal Club-ah êng chhit man tihsan a tum chungchangah public hearing a ko. Zoram People Movement party (ZPM) chuan, electric bill tihsan duh lohna hi party, pawl leh mimal anga ziaka JERC hnena thlen awm chhun an nih thu thuchhuah siamin an tarlang.

An thuchhuah in a tarlan danin, Lalmuanpuia Punte, General Secretary chu an aiawhin he public hearing-ah hian telin ZPM in electric bill tihsan a duh lohna chhan hrang hrangte kalkhawmte hmaah sawi, niin an tarlang. Power & Electricity Department lamin kalkhawmte hmaah sawifiahna an nei bawk a.

Lalmuanpuia Punte chuan Department lam insawifiahna chu ZPM in a pawm loh thu a sawi. Lalmuanpuia Punte chuan, "ZPM chuan electric bill uchuak lutuka tihsan thut tumna hi MNF sorkarin sum renchem miah lova a hmanral hnawhkhah tumna mai a nih avangin engtizawng mahin a pawm thei lo a ni," a ti. 

ZPM thuchhuah chuan, "Mizoram sorkarin tuna electric bill uchuak lutuka tihsan a tum mek hi kan ram mipui dinhmun thlirin ZPM chuan ṭha a ti lo a, March ni 2, 2021 khan duh lohna leh Electric bill ti sang lo tura ngenna Joint Electricity Regulation Commission (JERC) hnenah hetiang hian ziakin a lo thlen tawh a ni," tiin a tarlang.