Aizawl: Zoram Peoples’ Movement (ZPM) leader K Sapdanga chuan, “ZPM hi Val Upa ten min uap a, kan inpumkhatna hi a nghet telh telh a, lawmawm ka ti hle a ni,” a ti. Nimin khan a chenna inah chanchinbumite kawmin K.Sapdanga chuan, “Sawrkar chelhtute chezia enin, Kristian ramah hian ram roreltu lu ber atan Kohhran Upa ngei zawrh hi inthlahrun turah kan ngai tawh lo a, ramin hma a sawn a, mipuite politics boruakah an duhtui tawh tak zet a ni,” a ti. K.Sapdanga chuan, “Tun thlenga MPF-te zilhhau ngai loa kan awm hi min duhsaktute tawngtai chhanaah kan ngai a, kan worker leh kan hruaitute zawng zawng an fakawm tak zet a ni,” a ti bawk. ZPM Leader chuan sawrkarna an siam chuan zu an zuar dawn loa, kuthnathawktute lam an hawi dawn a, Six basic needs behchhanin hna bul an tan dawn a, kum 5 chhungin kawlphethaa intodelh turin hna an thawk ang a, sawrkar hmasa hnathawh an chhunzawm dawn a, Kristian sakhua nuai bo duhtute nen an thawk ho dawn lo niin a sawi bawk.