Aizawl: Zoram Peoples Movement (ZPM) MLA te chu Independent a ding an nih avangin political party zawm an neih chuan MLA atanga ban (disqualify) theih an ni tih Assembly Secretariat thawktute chuan Zalen an hrilh.

Assembly Secretariat thawktute chuan 'sub paragraph 2 of paragraph 2 of the 10th schedule of the constitution of India' ah Independent a thlan tlin MLA ten political party an zawm chuan MLA atanga ban (disqualify) theih an ni tih chiang takin a inziak tih an sawi a.

ZPM MLA te chu inthlan an chuh dawnin Independent vekin an chuh tih sawiin political party an zawm emaw membership fee an pek a, report a awm anih chuan ban theih an ni tih Zalen an hrilh.