ZALEN July 1, 2025; Mizorama pawl pali ten Mizoram kawngpui pawimawh Kolasib - Sairang chu Mizoram mipuite tana pawimawh (life line) a nih avangin sawrkarin hma rang taka a la lo a nih chuan mipuite hnatlanga chhuah a ngai mai dawn niin an sawi.

Mizoram Transformation Movement (MTM), Centre for Environment and Social Justice (CESJ), Mizoram First (MF) leh Citizen Alliance for Truth and Justice (CATAJ) te chuan vawiin khan Aizawl press club ah thuthar thehdarhtute kawmin, Kolasib - Sairang kawng zawh hleih theih loh khawp a chhia te, motor tlu leh tang khawpa a awm te, kan chak leh mamawh te lak theih loh khawpa a awm chu pawi an ti hle tih an sawi a, kawng chhia a dah tute an dem takzet tih an sawi.

"He kawng hi PWD minister in June ni 30, 2025 a a sawi danin, Mizoram PWD mawhphurhna ni lovin a sawi a, mahse NH 06 package 8 (Kawnpui - Khamrang) hi vawiin thlengin Mizoram PWD enkawl a la ni. Minister hian thudik ziktluak lo mipuite rilru hruai kawi nan a sawiah kan ngai a, a pawi kan ti hle an ti bawk.