December 15, 2023; ZPM Ṭhalai Headquarters Executive Committee chuan nimin khan Hotel Floria-ah meeting neiin, he hunah hian kum 2023 inthlanpuia ZPM ticket-a tling MLA-te hnenah ZPM Ṭhalai Headquarters chuan lawmpuina thilpek iptepui leh chemkawm an pe.

ECM meeting leh lawmpuina thilpêk pêk inkhâwm hi ZPM Ṭhalai President Dr.C.Lalrammawia chuan kai hruaiin, lawmpuina thil pêk inkhâwm hi ZPM General Headquarters hruaitute'n hman puiin, ZPM President Lalliansâwta chuan thu a sawi.

ZPM President chuan ZPM-in sawrkârna a chan theihna tura ZPM Ṭhalaite inpêkna leh an taimâkna chu a fak a ni.

ZPM Ṭhalai President Dr.C.Lalrammawia chuan ram rorêlna-in miretheite lam a hawive tawh tur chu lawmawm a tih thu sawiin, MLA-te hnênah duhsakna a hlân a ni.

RESOLUTION AN PASS TE :-

1. Kan ram rorêlna-ah Pathian lal ram tun din a nih theihna tura kum 2023 inthlanpuia 

ZPM vote-tu-te chungah ZPM Ṭhalai chuan lawmthu a sawi a, a bîk takin vote thlâk 

chungchângah ṭhalaite leh vawi khat vote thlâkna (first timer)-te contribution chu ZPM 

Ṭhalai chuan ropui a ti hle a ni.

2. Chief Minister Pu Lalduhoma kaih hruai sawrkâr chu kal phung thar, mipui sawrkâr din 

turin ZPM Ṭhalai chuan a ring tawk a, theih tawpin kan thlawp zêl ang.

3. Mizoram mipuiin kan nghahhlelh êm êm thlai thar leina tur cheng vbch 110 zet mai 

sawrkârin a ruahman leh health care bill ba rulhna tur chêng vbch 40 a ruahman hi 

lawmawm kan ti a, ni 100 chhûnga sawrkâr hmachhawp hrang hrangte a hlawhtlin 

theihna tûrin ZPM Ṭhalai chuan theihtâwp chhuahin sawrkâr a ṭanpui zel ang. 

4 .ZPM Ṭhalai hruaitute'n ZPM Ṭhalai min kaihhruaina hnuaiah ZPM Ṭhalai-in hmasawnna tam tak kan hmu hi a lawmawm kan ti-in, a thlamuanthlâk kan ti hle a ni.