Aizawl March 30, 2024 : ZPM Thalai chuan vawiin khan thuchhuah siamin Assam leh Mizoram Sawrkarin ramri chungchanga buaina leh harsatna a tawh lai a, Central-a State Sawrkar aiawh a ding Rajya Sabha MP neih chhun K.Vanlalvena'n huaisen taka Mizo mipui te thiamna leh thlavang a hauh ngam kha chhuanawm an tih thu an tarlang.

ZPM Thalai chuan State aiawha Rajya Sabha MP nia kum khat leh a chanve chuang hun ala neih laia MLA Candidate a atang leh kum khat chuang hun a la neih laia Lok Sabha MP Candidate a aang leh hram duh chuan Rajya Sabha MP a nihna chu engvakah a ngai lo nge? A duham vang zawk? tih chu an zawhna a ni tih an tarlang.

ZPM Thalai chuan, "Kan hma lawk April 19, 2024 (Zirtawpni) a Lok Sabha MP thlan turah ZPM Party Official Candidate Richard Vanlalhmangaiha chu Mizoram Sawrkarin kan State chhung hmasawn theihna tura ruahmanna a neih ang ang te, chak taka bawhzuia kan state sawrkar tha tichak tura Sawrkar lai thawh pui thei tur Central Sawrkar dawr kawnga tawng hman thu ah pawh India ram chhunga zahpui awmlo thalai viak tha tak kan nei hi kan chhuang takzet a, Mizoram in hma a sawn ngei theihna tur atan ZPM Party Official Candidate Pu Richard Vanlalhmangaiha hi Mizoram mipui ten in vote hlu tak hmanga min vote sak turin kan ngen a che u," an ti.