Aizawl June 30, 2024 : ZO Re-Unification Organisation (ZORO) hruaitute hmalaknain Zo hnahthlak inngeih loa awm mek, ZRO leh CNF te inkara remna a awm theihna turin ruahmanna kalpui mek a ni a, a rang lama neih thuai tum a ni.

ZORO thuchhuah tar lan danin an unau Zomi, Chinland Council/CNF/Chin Brotherhood te inkara thu inhmuh fuh loh avanga buaina awm chu pawi an ti hle tih an sawi a. ZORO executive committee meeting-in a lo rel tawh angin remna palai hna thawh a ni a. Zomi Re-Unification (ZRO) leh ZORO hruaitute an inbe tawh a. CNF nen an inbe tawh bawk.

ZORO chu khawvel hmun hrang hranga awm Zofate lungrual tak leh an insuihkhawm theih nana hmalatu a ni a. Zofate chu unau vek an ni a, unau inhmelhai a tha lo a ni tih hriaa an inhmuh thiam lohna chhunzawm lova titawp turin an ngen tih sawiin Zofate inkarah remna a awm theih nan palai hna a thawh chhunzawm zel dawn tih an sawi bawk.