DOWNLOAD OUR APP

Read latest news on your phone
app-store
ZU : A tam pawh a tlem pawh a tha lo vek!
Aug 29, 2022

Mi tam tak chuan 'a ngeih tawk lekin a lawm ka in' an tifo thin, mahse zu hi in tam emaw in tlem pawhin taksa hriselna atan a tha lo vel vek tih hi zirchianna atanga an hmuhchhuah chu a ni. Chutih rual chuan in tam leh in tlemah nasa takin nghawng a nei a, in uchuak deuhte chu an hriselnain a tuar nasa bik a ni.   

University of Washington, Seattle te chuan ram hrang hrang 204 zetah zirchianna hi an nei a, zuin taksa hriselna a nghawng dan an zirchiang. An zir chiante hi kum 19 atanga kum 95 inkarte an ni a, chuta an hmuhchhuah chu - zu hi tlemte pawh nise taksa tan a tha lo a, tam tak phei chu a tha lo leh zual tih hi a ni. 

Kum 2020 khan khawvel pumah mipa tluklehdingawn 1.03 leh hmeichhia maktaduai 312 zet chuan zu hi hriselnma atana pawi thei khawpin an in a, a bikin kum 15-39 inkarah a hluar zual. Australasia, Western Europe leh Central Europe ramte chu mipa kum naupang lam zu in tamna niin, hmeichhe lamah pawh - Australasia, Western Europe leh Southern Latin America te chu a in nasa zual an ni. Kum 65 chin chung lamah erawh chuan taksa tana pawi khawpa zu in chu 6.55% chauh an ni thung - kum naupang lamah heh 'over' an tam tihna a nih chu. 

Fortis Escorts Hospital, New Delhi-a doctor pakhat Pankaj Puri chuan kum upa lam tan zu in a tha tih chu thu dik lo a nih thu a sawi bawk. Kum upa ten zu an in chuan thin lamah harsatna an tawk hma bik tih a sawi a, an hriselnain a tuar hma hle tih a sawi. 
Kum 2020 khan zu leh a kaihhnawih vangin khawvel pumah mi maktaduai 1·78 velin nunna an chan a, chung zinga a tam zawk chu kum 49 hnuai lam an ni nghe nghe. 

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh