March 7, 2024; Mizoram tunhnai thla 10 chhungin zu kaihhnawih vanga thi (alcohol related death) an thahnem hle.

Assembly budget session neih mek a Siaha bialtu MLA Dr. K. Beichhua zawha health minister Lalrinpuiin ziak a a chhan danin, hospital record ah ruihhlo vanga thi (drugs related death) record neih a ni lo a, hetihlai hian zu kaihhnawih vanga thi erawh April 2023 atanga January 2024 thlenga chhinchhiah zat chu mi 413 (mipa 361 leh hmeichhia 77) an ni.

Dr. K. Beichhua zawhna vek ziaka health minister in a chhan danin, kum 2023-24 chhung a Mizoram a TB vei hmuhchhuah zat chu 2272 an ni a, TB vanga thi zat chu mi 108 an ni.