Aizawl; Mizoram Synod chuan Kohhran mi-puite hnena ngenna leh hriattirna chhuahin, Zu khap-na Dan (MLTP Act 1995) ennawna zu thlah zalen tumna awm chu tha a tih loh avangin vawiin, Pathianni zan hian tawngtai rual neih ni se a ti. Synod thuchhuah chuan, "Zu hi thlarau leh taksa tichhe thei, khuahkhirh ngai a ni a ti a. Hetianga thlah zalen tumna awm hi Synod chuan tha a ti lova, Synod Executive Committee vawi 250-na Thurel zingah MLTP Act chu ti-danglam lova thuam tha zawk turin sor-karah pawh ngenna thlen ni se an lo tih tawh angin, Zu hi tizalen lova, khuahkhirh zel a nih theih nan Kohhran tinah tawngtai rualna neih ni se, a ti a ni. Nizan khan Kohhran thenkhat chuan MLTPAct chungchangah hian tawngtairualna hun an hmang. Hetih lai hian, Excise Minister R Lalzirliana chuan, zu khap burna dan, MLTP Act thlakna tur Bill chu March ni 18 atanga Assembly Session-ah putluh tum a nih thu a sawi.