Aizawl; MNF President, Chief Minister hlui Zoramthanga chuan Assembly Budget Session, March ni 18 atanga tan turah zu zawrh phalna dan sorkarin putluh a tum a nih chuan, MNF MLA ten an pawmpui thei dawnlo tih Zirptawpni khan an party Office, Mizo Hnam Run-ah a sawi. Zoramthanga chuan, Mizoram Congress sorkarin zu khap burna dan, Mizoram Liqour Total Prohibition Act hlip-a zu zawrh tum nia sawiin, Budget Session lo awm turah zu zawrh phalna tur Bill hi putluh ni mahse, MNF MLA te chuan zu zawrh phalna tur Bill chu an pawmpui thei dawn lo a ni, a ti a. MNF Party chu zu zawrh chungchangah hian a dinna ngaiah a la ding reng tih sawiin, MNF Hqrs. atanga Unit thleng pawhin zu khapna hlipa zu zawrh chu an pawm thei dawnlo tih a sawi bawk.