Tun dinhmunh chuan khawvelah mihring vaibelchhe 24-in zunthlum vei an awm a. Kum 2025-ah chuan he natna hi mihring vaibelchhe 38 nei tura chhut a ni. India ramah hian he natna hi a tam a, Vaibelchhe 6.8 neiin ram dang aiin a sang ber a. Kan ram dawtah chuan China, America Russia leh Japan te an ni. BP sang leh zunthlum hian kal pawh a khawih tel thin a ni. Khawvel puma BP sang mihring te chu vaibelchhe 100 an tling tawh a ni. Kum 2025-ah chuan Vaibelchhe 156 a pel dawn tihna a ni. Hei hi kan dinhmun a ni. Mahni duh dan danin kan khawsa mai thin a, engati nge ka damloh? Eng nge a chhan? Kan taksa tana tha lo kan insum theih a, a nih dan tur phunga tan kan lak chuan hlimna leh hriselna a thlen thin. Zu, zial leh zunthlum te hi a inhal em em a, khawngaihtakin a hlauhawmzia hre reng chungin i lo sim ang u. I nunna a lak hmain zu leh zial hian kan taksa peng leh bung hrang hranga nunna pechhuaktu, nerve leh mit te nasa takin a tichhia a ni. Zu hi petrol angin lo tehkhin ta i la, zial hi diesel angin, an pahnih hian kang awl tak leh kang hma tak, taksa tichhe vek thei an ni. ZU: Zu-ah hian 7 calories per gram, bakah 4 calories of protein leh carbohydrate leh 9 calories of fat a awm. 80% of alcohol hi thisen hian pumpui leh ril atangin a hiplut a, a dang zawng 20% chu pumah, zu in atanga a darkar reilo teah 5% chu vun, kal, lungah te kal ralin 30ml alcohol chu pangtimur (Metabolise)-ah darkar 3 atanga darkar 5 a thawk a. In nasa deuh chu an hangover hian a tuk thleng a awh. Tin, mi tam takin zu an in laiin meizialte an zu thin a, hei hi mahni nuna atan thil hlauhawm tak a ni. A chhan chu thisenah lutin zawi zawiin harsatna a siam thei a ni. Wine thenkhat hian iron tlemte leh potassium chauh a keng tel a, Beer-ah niacin, vitamin B-6 chromium leh phosphorous te an awm. Indian Whisky leh Rum-ah a tlangpuiin 750ml bur hian 42% alcohol a pai thin a ni. Normal beer ah 14% alcohol telh a ni a. Strong Beer ah erawh chu aia tam Alcohol a awm thin bawk. Zu in nasat vanga natna a thlen theih leh a nghawngte:- Memory Loss: Zu ngawlvei/zu in mi hian an memory an hlauh tlangpui. Zunthlum control tur leh BP, cholesterol damdawi regular taka eitur khan a theihnghilh thin a ni. Hei hian he natna hi a tizual thei. Hypoglycemia: Thawklehkhata blood sugar level hniam thut hi zu ngawlvei/zu in miah a thleng thin. Chutiang thil a thleng a, hriat chhuah vat a nih loh emaw, hrereng chunga ngaih pawimawh loh vang emaw intihtheihna hial leh a nunna atana hlauhawm thei thil a thlen thei. Liver Problem: Zu hian thin a tichhe vek thei a ni. Zu in nasat phei chuan kan hriatna thazamte a tichhe vek thei. Zu ngawlvei zingah hian thinlian tam tak hmuh tur an awm. Chu mai bakah liver cancer, liver-in a hna a thawh theih tawh lohna leh zunthlum veiin zu regular taka a in chuan Lung, Kal leh Mit te hi zawi zawiin a tichhe thin. Thla ruk dan zelah Ultra Sound leh blood test leh Eye check up theih chuan engtiang chiahin nge Kal leh Lung leh Mit a lo tihchhiat tawhte hriat theih nan leh kan hriselna a tha tawk em tih check nan a pawimawh a ni. Cholesterol: Zu hian cholesterol a tisang a, cholesterol a san chuan thinin a tuar phah thei, cholesterol chuan kan hriatna thazam leh thisen kal vel a tibuai a, stroke leh lungphu chawl a thlen thei. B.P. Diabetic: Zunthlum veite hi a chang chuan an BP a sangin a hniam thei a. BP leh zunthlum hi a inzawm. Pum ruaka zuin miin, zu no hnih khat a in khan an BP a tisang thei a ni. Diabetic Neuropathy: Zunthlum hian kan hriatna thazawm pawn lam leh chhung lam a tichhia a, chu chu Neuropathy an ti. Zunthlum vei tih inhriat tanin meizial zuk leh zu in hi tihtlem tur etc. Neuropathy a hriatte chu: Peripheral Neuropathy: Lu-ah leh ke a khawih hriatheihna hloh a. Hetiang hian pangtikham, sa hut hut, za uai uai, nat hlauh hlauh, rilru leh taksa chauhna, engmah hriat mumal lohna, chawei kham a thlan vak, tisa chakna hlauh, ek khal, kawthalo, pumpuar kawh luah etc. Automatic Neuropathy:?Thin atanga natna langchhuak, chaw pai tawih lama harsatna, thawk harsatna, zunin, mipat hmeichhiatna kawnga chakna titlem, mit fiah lohna, zunthlum damdawiin thisena sugar a titlemin, thlan chhuah vakna, khurh der derna, lungphu rang leh BP sang leh hniam thutna in engmah hriatlohna a thlen thei. Proximal Neuropathy: Mal, kawng, mawngtam, ke etc. nat them thumna hmeichhe upa lamah a thlen thei. Focal Neuropathy: Lu, mal, ke, mit khawhmuh fiahloh, hmai chanve khawng, hnungzangna, mal hma lam na, thin leh pum etc. pem, hliam leh kang etc. a dam theilo, in enkawl vat loh chuan. Zu regular takin i in em? A nih chuan B.A.C lampum hi i hriat a tul a ni. B.A.C = Thisena zu awm zat (Blood Alcohol Content). Hei hi Gas chomography hmanga teh a ni. Zun leh thisen test hmangin a hriat theih bawk. Thisena minimum content of B.A.C hi India ram danin a khuahkhirh dan chu 0.03ml-ah chauh thisenah a pai thei a ni. Ram hrang hrangah he dan hi a inang lo a ni. Zuin taksa a hna a thawh dan hrang hrang te: Zu i in a, a hmeh nen i in emaw, in lo emaw, pumpui leh ril te a luh hian 80% chu thisenah a kal a, 20% pumah a pai thin ta a. Thil kan, sa, badam, artui a hmehah a tel chuan B.A.C a ti hniam thei, mahse thisenah thauchhia a siam thei a ni. Mi thenkhat chuan zu in zawh hnuah Allopathy damdawi doctor-in a chawh thinte leh a chawh lohte an ei thin a. Damdawi thenkhat anti-depression, Tranquilizer (sleeping pills) etc. thisenah hna a thawk chak. Tin, nipui laiin a thawk chak zual, a hlauhawm hle a ni, pumpelh hram a tha. Alcohol thisena a awm tamin zu in mi dinhmun chu hetiangin a awm thin:- 0.01 - Zu in tih kha, hriatchian theih lohin a awm thin. 0.1 to 0.3 - A in -ontrol thei a, a tizangkhai, tiharh. Normal aiin a over leh smart angin a lang thin. 0.04 to 0.05 - A kut chetdan leh hmelhmang inthlak, a pangai lo. 0.07 to 0.09 - Tawng tha thei lo 0.10 to 0.12 - Hriatna tha-zam hloh 0.16 to 0.19 - Taksa hriat theihna chi hrang hrang, remhriatna, luak leh tap 0.20 - Kal thei lo, Nui thei lo, thil hre thei tawh lo, luak (hemi stage hi Disforia an ti) 20 ml pelh emaw, a chung lam nih chuan mut hlumna a awm thei a. Tin, zu in, mi thenkhat erawh chu a remchang angin Local zu leh a sen chi an inpawlh thin a. Hetiang mite hi an rui sual duh hle, reilo te hnuah an taksa a chau leh bawk. Hetiang mi tan hi chuan muthlum hi thil hlauhawm tak a ni. Ka hriattir nawn leh duh che, Zu leh meizial tih hian nghawng (effect) tha lo a neihna te; thluakah, hriatna (memory), mit khawhmuh, thin, chuap, chaw pai tawihna kawng, lung, kal, hriatna thazam te, thahrui, thinchhiatna, mumal lohna, pumpui pan leh chi thlahna peng hrang hrang ah. Office-ah leh vantlang puipunnaah mei zuk hi sorkarin a khap a, chu mi thupek chu kan zawm tur a ni. Zu leh meizial hian taksa a tichhia a, zunthlum veiteah a nasa leh zual. Engvangin nge hrereng chungin thil pawi leh tha lo chu kan tih ang. I taksa i hmangaih em? Pathian thil pek hlu tak a ni. Temple angin i taksa enkawl la, fai takin enkawl la, ruihtheih chi thil reng reng ah ‘No’ ti la. Tichuan nun hrisel tak, rei tak nun hlimna i chhungkau leh fate nen i nei thei ang. ‘No’ ti rawh. Vawiinah hian intiam rawh. ‘Yes’ Ka taksa hi ka hmangaih a, ka Care a ni. Na neih a, tawrh hi ka ning a ni. Pathian hi ka ring a, kawng dika min hruai turin, a thu hi ka zawm a ni. Ka thil chin thalo zawng zawng ka lo hrisel theih zawk nan leh kan chhungkaw tan vawiin ni atang hian ka ti tawp e. Lalpa, chakna leh tumruhna min pe rawh, hengte hi paltlang thei turin. Min veng rawh heng thil thalo lakah hian. Tichuan Zu leh Zial chu mangtha ti tawh ang che. Lalpa ka lawm e. - Dr. ARV. Pillai (Ayush) MPS (Rtd.) Mizoram, Aizawl.