Dr Ka Zawhna

Doctor Ka Zawhna (August 10, 2014)

Dr. Chawnglungmuana - Aug 09, 2014

Doctor Ka Zawhna (August 10, 2014)

Zawhna 2: Nula kum 20 mi ka ni a, ka hnar chhungah hian thil chawr a awm a, ka hnar a ti thi thin a, engtin nge ka enkawl ang. A hlauhawm viau em? Khawngaihin min pui thei em? Chhanna:  Chawr i tih hi “Nasal Polyps” an ti a, hnar chhung bang emaw sinus bang atanga insiam a ni thin a, a tam zawk chu a hlauhawm hran lo. Mahse i sawi ang hian hnar thi a siam duh a, chu bakah chuan hritlang hnaptui ang chi pawh an nei duh hle. Thenkhat chu thawk a ti harsa thei a, hahchhiau vak vak te, hmai na vung vung te, thil rim hriatna bo te pawh a thlen thei bawk. A enkawl danah hian a la len loh chuan steroid nasal spray hmang te in an enkawl thin a, amaherawhchu a awm leh duh viau thung. Chuvang chuan zai tir a ngai fo thin a ni. ENT Doctor lo inentir la, an pui thei ngei ang che.
Share now