Dr Ka Zawhna

Doctor ka zawhna (July 20, 2014)

Dr. Chawnglungmuana - Jul 19, 2014

Doctor ka zawhna (July 20, 2014)

Zawhna: Pa kum 45 ka ni a ka vun hi a rawn vual vak a, a thak thei em em mai a, engmah ei sual ka neih awm ka hre thin si lo a. Tin, ka hrawk hi a rawn za a, thawk a har a, ka khuh leh vak thin; hrawk a thip thin sia, ka thaw chhuak thei tawh lo mai ang tih ka hlau thin. Zuk leh hmuam chu ka ti lo a, zu ka in ve zeuh thin. Zu ka in tuk vel hian ka kawng hi a na em em zel bawk. Chhanna: Vun vual hi "urticarial rash" an ti a, a chhan hrang hrang a awm thei a, chung zingah chuan thil huat (allergy) vanga awm hi a common ber awm e. Allergy kan tih hian ei leh in a kawk kher lova, tam tak phei chuan boruak inthlak te, meikhu leh chhum zing te, tui vawt te, leh thawmhnaw leh hnawm ang te hi an haw duh zawk mah. Vun hian taksa lama fel lohna tam tak a rawn tarlang an ti thin. Cancer te leh Autoimmune Disease an tih te, pumpui leh ril lam fel lohna hrang hrang te hi vunah a rawn lang chhuak thin an ti a ni. Allergy thenkhat ah chuan a awm chhan hriat theih mahse tam zawk chuan a chhan an hre lo. Allergic Test te pawh hi miin an tih meuh chuan huat an ngah lutuk a, engmah ei leh in theih an nei lo ani ber e an ti. Engpawhnise, allergy hi a chhan hriat anih loh chuan chuti maia enkawl dam theih ani lova, control leh inven theih erawh ani thung. Rulhut vang hian vun vual hi a awm duh viau a, rulhut damdawi kum khatah vawi 2-3 tal ei theih te pawh a tha hle. Engpawhnise, i vual chhan hi hriat tum hmasak a tha a, allergy vang hrim hrim nge natna dang vang tih te hriat phawt a tha a. Chu mai bakah chuan damdawi engemaw vang te in a awm thei bawk a, Skin Doctor lo inentir la, an puih theih che ka ring. Zu in vanga kawng na erawh a in laichinna awm ka hre hran lo.
Share now