Dr Ka Zawhna

Doctor ka Zawhna (March 09, 2014)

Dr. Chawnglungmuana - Mar 08, 2014

Doctor ka Zawhna (March 09, 2014)

Zawhna: Ka pu, ka fanu hi kum 14 a ni a, taina leh thi neih mumal lo a neih fo vangin kan entir a, chikawng bawk a nei an ti a. Engtia enkawl chi nge? A hlauhawm em?
Chhanna: Hmeichhe tleirawlah hian chibawm bawk (chikawng-fallopian tube) hi a awm duh viau mai a, Ovarian cyst an ti mai a. A chhan tam ber chu functional an tih mai, hormones dinhmun inthlak kual vanga awm a ni thin. Hetiang functional cyst hi a tam ber chu chi insiam "Ovum" in a kalsan bawm ruak atanga lo awm a ni thin. Hetiang hi chu amahin a reh leh mai a, thenkhat erawh chu a awm chhunzawm a, a thang lian ve thei bawk. Cyst hi pakhat lek a awm chuan harsatna a thlen lem lova, tam tak a awm erawh chuan Polycystic Ovaries an ti a, chu chuan thi neih a tibuai nasa thei viau thung. Ovarian cyst hi a hlauhawm lo kan tih rualin thenkhat chu cancer ah a insiam ve thei a, chuvang chuan ultrasound hmanga enchian a tul thin. Tin, cyst hi a thenah chuan a reh mai lova, mahse a than loh chuan (increase in size) enkawl an mamawh hran lo. A lo thang lian te a nih erawh chuan zaia paih a ngai thei bawk. Chuvang chuan Ovarian cyst nei reng reng chu ultrasound an tihna hlui kawl that a pawimawh a, thla 4-5 hnuah tih nawn leh a tul thin a, chutih hunah chuan a hmaa enna nen khaikhinin a thang nge thang lo an endik thin a ni. Tin, cyst bang chhah leh chhah loh thu-ah te, a chhungah inphan (septation) a awm leh awm loh te, tisa muk (solid component) a awm leh awm loh thu ah te enkawl dan hi a innghat a ni.
Share now