Dr Ka Zawhna

Doctor Ka Zawhna (May 18, 2014)

Dr. Chawnglungmuana - May 17, 2014

Doctor Ka Zawhna (May 18, 2014)

ZAWHNA: Mipa kum 39 ka ni a, kum 2/3 kal ta vel atang khan ka ruh chuktuah (khup, ke tang leh kut tang velah) a na thin khawp mai a, Doctor hnenah ka in entir a, GOUT i nei (uric acid a sang) tiin Algoric leh Sioneuron forte min chawh a, ei reng turin min ti a, mahse ka ngeih chuang lo a, a zual zawk emaw tih tur ani. Engtin nge ni ang? Min pui teh. CHHANNA: Gout hi ruhseh chi khat, i rawn sawi angin thisen a uric acid sang vanga thleng thin a ni a, chu chuan ruh chuktuah a ti vung a, na a siam thin a ni. I damdawi ei lai te hi Gout control na tura an chawh ber chu a ni a. I ngeih lo anih si chuan a chhan ni thei chu ruhseh dang chi ‘Arthritis’ eng emaw ber i nei tihna a ni thei ang. Ruhseh han tih hian chi hrang hrang a awm thei a, a then chu thil huat vang te pawhin a awm thei. Engpawh nise, ortho doctor lo inentir leh la, thisen test hrang hrang te pawh tih a tulin a rinawm.
Share now