DRUGS NGHEI DAN AWLSAM

Drugs chu i tana thil tha lo, i hmelma, i taksa, rilru leh thlarau tihlum thei, i tan, chhungkaw tan leh ram tana pawi a ni tih pawm phawt rawh. Drugs duh loh takzet phawt a ngai.
Nghei nghal la. A lawnga ‘suffer’ tawrh i zuam loh chuan doctor pan la. Damdawi an chawh dan ang chiah chein ei ang che. I thatpui loh chuan hrilh leh zel ang che.
Drugs nghei hi kal pah awlsam lutuk tum suh. Tih tur thulh lo, nunphung ngai renga awm tum chunga nghei a har. La serious rawh. Damlo angin awm rawh. Tawrh inhuam ve ang che, i nuam rei tawh bawk a.
Damdawi ina i awm loh chuan inah tawm tlat ang che. A nih loh chuan thingtlangah, ramhnuaiah, a awm lohna hmunah kal bo daih rawh. Home leh centre a awm pawh a tha. Phone switch off rawh. Thlemna do hneh hi a har avangin thlemna awm lohna hmuna awm phawt a ngai.
I nghei thei ta zel a nih a, na chhawkna pawh ei loa ni 10 i awm theih tawh hnuah doctor pan leh la. Drugs ruih theih lohna damdawi ei zui ang che. Chutiang damdawi chu a awm. Chumi i ei chuan khilai-tu tawng mah la, chhar fuh mah la, inchiu mah la, awmzia a nei thei tawh lo ang. Ruihtheih thil zawng zawng tan erawh a ni lo deuh. Home leh centre atanga chhuah hlimte hian doctor rawnin chu damdawi chu ei a tha. Pawn lam thlemna tamna hmuna awm tan leh chiah min vengtu atan hman a tha.
Kohhran bel zui la, Pathian hnaih zui ang che. A awlsam lutuk, mi huaisen leh tumruh tan chuan..