EBOLA CHUNGCHANG Ebola chanchin hi ramtin, chanchin thar puannaahte an sawi nasain in lo hre ve tawh ngei ang a. Engmah tihtheih loh leh tul lo mai maia mipuiten hlauin kan lo thlabar vak vak tepawh hi a hlauhawm a. Anihna tak kan hriat chian a ngai a ni. Heng kaltlang hian a kai theih loh: Ebola vei a ni tih lan chhuahna (symtoms) engmah awm lo nen pawnlang deuh tak a intawhna (casual contact) mai atangin a kai theih loh. Boruak atangin a kai theih loh. Tui (water) atangin a kai theih loh. USA rama eitur, chaw (food) atangin a kai theih loh. Ebola kai theih dan: Ebola vei a ni tih chiang taka lang chhuak tawh (showing symtoms) taksa atang thil tui chhuak, zun leh ek, khak leh luak, thisen atang tein kai a awl a. Ebola vanga thite bawihsawmna atangin. Thil eng emaw, hmanrua, Ebola virus kai (contaminated objects) a awm thei a. Heng atang hian a kai theih a ni. Rannung Ebola virus neite hnen atangin a kai theih bawk. Ebola chungchang hriat tur pawimawh dangte: Ebola hi a veite’n an vei a ni tih symtoms a lan chhuah hma chuan an hnen atangin a kai theih loh. Miin Ebola vei kha lo bel hnaiin emaw bawihsawmin lo hnaih hle mah se, ni 21 (21 days) chhunga a kai tih symtoms engmah lanna a awm loh chuan a vei ve dawn lo tihna a ni. President Obama kaihruaina hnuaia Centers for Disease Control and Prevention ten an sawi nawn fo angin USA rama Ebola darhzau zelna hi chu a hlauhawm loh hle a ni.