Mizoram Baptist Kohhranin India ram chhunga rawngbawlna a neihna hmun pakhat, Jharkhand Field-ah Zirtawpni zan atang khan Field Inkhawmpui an hmang mek a. Inkhawmpui hmanpui hian Serkawn Kohhran member 26 (Zaipawl member 20 leh hruaitu 3, Speaker 2 leh Manager 1) an kal nghe nghe a. Inkhawmpuiah “Lo danglam zawk tawh rawh u” (Rom 12:2) tih chu thupui tur niin Upa J.Lawmsanga leh Upa C.Lalbiakthanga ten an sawi.
Hetih lai hian Arunachal East-a missionary-te chu March 28-a Simong khua-ah Gospel Tour nei turin an inbuatsaih mek bawk a. March 29-30 chhung hian Yingkiongah camping neih an tum bawk a. Speaker bik awm loin thawktu missionary-ten a inchhawkin thu chah an sawi ang a. Hei bakah hian missionary leh a ram miten ringlo khua pahnih, Degom leh Kayi khua tlawh turin an inruahman bawk.