Aizawl; District panga – Lunglei, Serchhip, Champhai, Kolasib leh Mamit-ah te Kohhran Inpumkhatna leh thawhhona seminar thawh hnihna chu Ningani khan Mizoram Synod-in a buatsaih.   Seminar hi Zone ngaah then niin Zone khatna hi Lunglei, Lawngtlai leh Saiha district huam chhunga miten Lunglei Chanmari Kohhran Hall-ah an hmang a. Synod Finance Officer Rev. H. Remthanga’n paper chhiarin mi 149 an kal.   Zone hnihna hi Serchhip district huam chhunga miten Serchhip Kawnpui Kohhran Hall-ah an hmang a. Rev. Dr. H.Vanlalauva’n paper chhiarin kal tura beisei mi 200 an kal kim.   Zone thumna chu Champhai district huam chhunga miten Champhai Vengthlang Kohhran Hall-ah an hmang a. Rev. Dr. H.Lalrinthanga, Associate Professor, ATC-in paper chhiarin mi 292 an kal.   Zone lina hi Kolasib Diakkawn Kohhran Hall-ah an hmang a. Rev. Vanlalrova Khiangte, Principal, MTC-in paper chhiarin mi 185 an tel.   Zone ngana hi Mamit Kohhran Hall-ah an hmang a. Rev. Dr. B.Lalnunzira, Associate Professor, ATC-in paper chhiarin mi 204 an tel.   Seminar-ah hian Kohhran tin aiawha kal tura ruat - Pastor, Pro. Pastor leh Minister te an kal a, sawihona hun tha tak an hmang bawk.