Hetia damdawi ina inenkawl reng chu awmzia awma ka hriat tawh loh avàng leh ka pindana ka ngainat záwng thlalâk tinréng intàrnaa awm ka thlâkhlelh tawh êm avàng zâwkin, na tuara ka chek tlawk tlawkna min chhâwk thei bertu nia an sawi morphine injection chak mi chu—díl pawh ni loin a ngena ngènin, kei, kum tling ve thlap tawh hi ka'n nuar tehrêng mai a! 

Chemotherapy min khaisak lai pawh chu phawiin, hem (radiation) avànga lu kawlh vek tawh hian, an syringe leh damdawi dahna lam ka pan lui mauh mai a. Ka dose lêtin min han chiu tehrêng mai a!

2—Ná chu!
Ruh za satliah pawh ni lo, na ngawt ngawt mai, ná ka tawrh tawh azawnga la na ber tuar mék hian—min jection hnu chuan, ka ngal ruh ná te chu ka hre zãw zo thar leh ta tlat a—ka na tawrh a zia huai e ka tihna zâwk a nih chu—ka ruh zãw leh taa ka hria chu! Ka ngal ruh, ka bawp ruh leh a chheh vêla ruh awm apiang mak chu, hil huai hian ka hria a, dam ta huai paw'n ka inngai.

Chu ruh ná—daktawr ten cancer-a an ngaih "Osteosarcoma" an tih han natzia mai chu—engkim hi a khawloin an nikhualo vek mai—na tak a ni na tak! A ruala ruh tliak vawi riat tuar zàwn ai hian a ná ang! Chutiang ná a rawn chhuah tawh chuan, ka ngaihtuahna leh suangtuahna ram chen hian an "zàw" zo vek a; rilru kal lai hi an ding thuap a; beiseina an bo zo a—beisei loh tùr pui pui min beiseitír a. Chu ná chuan chatuan a hawlh loh nána tawngtai bâk ka thlahlel ngai lo! tawng mawi lo emaw ka hre lo, khu laia pitar tawngtaipui hman pawh ka ni hlawl lo!

Min hrilh tha vak duh lo a—chutiang ruh cancer chu phìr hian an vei duh fû tih Google-in min hrilh. A tìrah lang nghâl mai lo mah se, tleiràwl chhuahin a lang thìn an la ti zui!

3—Dam thutna
Ka dose aia sáng nachhâwkna chak chi morphine-a min injection sâwt sâwt hnu chuan ka va harh tha si êm! Chu ruh cancer -in min kalsan thut chu, hnára hlît phawi chu sawi loh, ka la tem ve loh meidîl atanga swimming pool-a inchiah thut... ai pawha nuam—nuam sing-kháw an tih ang vêl a nih ka ring hial nia! 

Chu hunah chuan ka khawvêl muthlu mékte chu an lo harh a, beiseina beiseiin an lo tho thar leh suau a, kal lawklawh lai ding thupte chuan ke pên thar an pên leh ni te hian ka hria a...

Chitia mi pangngai ang thar ve leh têpa ka inhriat lai chuan ka khum síra ka "hello búr"-a message inkháwng thàwm te pawh chuan Rengchal angin ka bengah rimawi thar an rawn chhuah ve leh ta e! 

Ka hnár leh ka bán vêla hrui tinrénga damdawi an thun luhna te chu, keima thuin ka'n hlîp ve thuai hlawm a. A hlauhawmzia hre hek lo le! Hlauhawm mah se min rawn message-tu chu "amah a ni" tih ka hre miau alãwm si le!

4—A message chu
Amah chu Jonas a ni—"Jon" tia phone-a a no. ka ... oh! kan daha chu. He ka phone hman lai hi ka tã a ni chiah thìn si lo a...

Jon chuan, "I theiha i peih vêleh dai fianrial fan dun pahin, luiah sangha te kan man dáwn em ni ang? Tuipui kam (beach) -a inûm kual te, thianghlim tak sia han indèk zawk zawk te pawh i châk ve ngei ka ring. Ka lo nghâk reng che a nia.
— We're always J&J 

Chu message chu chhàn ka châk zek zek a; mahse, ka kut hi a khùr zo a—ka kut ruh pawh hi Osteosarcoma cancer chuan a ti coma zo ta nge ni, ka chháng thei si lo!

Nachhâwknain min chiu a, ka harh. Harh tak ka ni— My other part of J hmu  tur chuan. Mahse, ka kut, ka tha, ka rilru hi a chawmawlh (numb) vek! Ka chháng ta lo! thian dang ka biaksan daih!

8 – INBOX Chhànna

Chutia nachhâwkna chak chia min jection zawh hnu chuan, damdawi in dam lo uniform ha chungin damdawi in chu ka tlàn chhuahsan lui a. Thaw hláwi hlawiin tuipui kama Café Nightstar an tih chu ka va thleng hlawl a. Chemo' la lai tlàn chau tih takah,thaw hlawi hlawi tak ka ni!

Khua chu a thim dep tawh a; mi hmuh chian a harsa tawh. Chu Café kawtah tak maiah chuan, mipa dik tak, smart tak si, tlangvál dukdak loh tih hai rual loh hi ka va hmu var a.  Thim tham kafah leh ràl atang paw'n ka u June-i bialpa Jonas-a a ni tih ka hai lui thei lo.

Ka hmu chu ka phu a. Ka phú pawh a ni satliah lo,"The Good the bad and the ugly" tàwp lama "The Bad"-a lungphut ang hial khan a phu ang—ka lung chu! Pawh pawh ka vaw pawh ngam lo. Ka nula thianghlim (sister) din châwih ngawt a!

Min hmu chu—khawvel hi tih mirin a awm ta ni awm fahranin—ka lam rawn pan chu sawi loh, min kuaha ka bianga min fâwp hmasatu nih loh hauin, lei khu te chu a rawn pal khu rum rum a. Chutiang lei khu—tuipui kama balu thiar sèn loh ang maia lo inchhawp te chu ka hmuh lohna chin pawh ka hre tawh nâng—an rim zu nam rum rum thei a!

Chûng zawng ai chuan, June-in fam a chansan ta tih kan la hrilh lo leh amah emaw min i ang tih mawlh chu ka hlau a, ka thaw dep dep mai a ni!

Ka kiang a rawn thleng—a nui var var—'June ... oh! Ka tih palh—Janis! Ka thi awrh lai hi han en teh—a locket hi pawt thla hmak teh khai,' min ti nia!

Nia, chu Jonas, ka u Junei bialpa ngei mai chuan a thi-a a awrh tel, a locket entír chu min tum nia!

Ka ngam lo—he pa hi ka hmu ngam lo! A hmelah June-i a zám si a!

Ka ngam loh rilru chu a hria a ni ngei ang; amah ngei chuan a thí-a locket chu a phawrh thla a. Ka mitah tak min en chungin he thu hi a sawi—

'Naupang duhawm ber, ka nupui hual i nih lai thlalâk hi ka entír ang che aw ... i u June-i min pêk ngei mai hi! I thih ni thlenga i kawl atan min lo pe tawh a,' a ti ta mai!

'Eng a!?' 'June kha i u emaw i phìrpuinu emaw a ni hleinêm!' Jonas chuan a ti ta leh zèl a!

Aw vîn hlarin, 'Damdawi in atangin, min "phuartu" zawng zawng phelhin, he lai hmunah hian ka rawn pan che a. Thu láwilo ngaithla  tura rawn kal ka ni lo e,' ka ti lêt sak sak a.

Jonas chuan, 'I laizáwn anga i en kumkhua, June nèna piang dùn in ni lo a. Ani kha kha cancer natna avànga la thi tho tho tùra ngaih kha a nih avàngin ruh cancer dang vei ve, a rualpui, a hringtu nu leh paten an thlahthlâk tâk nang hi an chhar chawp che alãwm! A derin Birth Certificate an siamsak che u a...' 

A sawi zawh hma chuan, Janis chu a rawn áng chhuak leh a: 'A ni lo ang! A ni thei lo!' ti ringawtin.

Jonas chuan, '...A... khatih hun lai khán... ah... hmangaih kha i la rem tlat lo a...' a ti chuai raih a.

Janis chu a sa phat! 'Jonas! I ká áng tawh suh! Ka U—June, i bialnu... i hma­ngaiha kha chu kan sún tawh. Kei—min hmangaih ve suh!'

A'n ngawih ràn rân hnu chuan Jonas chuan, 'Ka pa nen hian in chhungkaw daktawr kan ni. Khawtlang hriat lohin kan hre vek che u. Nang pawh, i taksa chu a bawrhsáwm zêl maithei e; mahse, he hring nuna i hmabâk leh i hlen chhuah tùr puitlin tùr hian i mar hi la phu se...'

Janis chuan tap tuau chungin, 'ICU-a i khung ka ni—chuti a nih chuan! He ka hring nunah hian eng nge la hlen chhuah tùr neia min la hriat cheu a...?' tiin a u nia a lo ngaih thin, a lo ngaihzàwn rûk ve êm êm Jonas chu a kâwk ta sawk sawk mai a.

Aw ném takin Jonas chuan, 'I naupan têt laia i thlalâk chuanna thi awrhtupa kei min hmangaih lêt ve hi,' a ti zàwi sap a.