Ka Huang

Ka Huang (April ni 6, 2014)

Chhuanliana BVT - Apr 05, 2014

Ka Huang (April ni 6, 2014)

Keima Huang a ni bawk a, tun tum chu kan chawk chawrawi leh deuh teh ang. March ni 8, 1929-ah ka piang a, ka pa'n Walse rama a Foster father (palem?) chu March ni 15,-ah ka pian thu a zik hrilh a niang, chu lehkha chu a pa (lem) Sir Herbert Lewis chuan chu ka pa lehkha chu April ni 15, 1928-ah a rawn chhang a. He ka pian lawmpuina Sir kai meuhin kum 84, thla 11, ni 20 kal taa a rawn thawn kha eng tin tin emaw ka lo la kawl hlauh mai a, private letter upa pawl a nih ka rin bakah, ka pian chungchanga lawmthu ka pa a rawn hrilhna a nih avangin ka chhuang deuh hrim hrim a, a ngai ngaiin hei ka rawn chhuah a ni. A tawp lam hi a chiang lo deuh na a, a pawimawh em em lem lo bawk a, chhiartuten in lo ngaihhnathiam a ni ang chu. Sir kai meuhin ka pian lawma lawmthu a rawn sawi hi chhuang ve fa ka nia! (A chiang lo lutuk lai hi ka zul rual a ni e) A lehkhaa a lan dan hian kum 1928 April thlaah pawh New Indian Air Mail a lo awm tawh a nih chu. Keinin Lengpui Airport hahipa kan sawi leh, vai dan taka 'kal ka anda' an tih ang lek a la ni si. Han di hneh rual kan lo ni lo! Aw le, a Chawh chaw rawi nan mizo tawng tlem i han hrut hlek teh ang. Eng vang lek nge tun laia A kan tih thin an lam E tak riau mai ni. Daih, Paih te Deih, Peih te an tia, mai mai te mei mei an ti ta mai mai a. Ka sms hmuh pawhin a ngaimawh khawp a, AIZAWL ni na na na EIZAWL tia an han lam ri tlat mai hi nakin lawkah chuan EIDU, EIBAWK, SEITUAL te kan la tu mai anga tiin an rawn hlauthawng khawp mai. He lam dan hin Chhimlamin ABCD tih EI, BI, CI, DI tia an lam vangin Aizawl te kan ti EIZAWL zo ta em ni? Hawh u, Mizo kan nih hi mizo tawng hi i hmang dik hram hram ang u. A dik thei ang bera kan hriatin lam ila, ziak bawk ila HNAMRUN a ni ber zawk lo'ng maw?
Share now