Chawlhni hmasa chhuakah khan Sikulpui vel kha ka sawi a, a hnu lawk khan ka mumangah khi lai vel khi ka hmuh avangin ka lung a leng a, kan nu nen Sikul kawnah car-in min han dah tawp a, tichuan Sikulpui step kan tih thin kha a lo awm der tawh lo mai a. Kha step kha Aizawl Bawrhsap pisa, lamlianpui atanga lawn chhohna ang deuh saw a ni a; mahse, saw sawn a tluk tawh lo. Step 52 a ni a, a laiah chawlhna tur ni maw, fit 3 vela zauin an tihlai a ni. A sir tawn tawna tuiluankawr, naupang kum 10 vel mi mawng leng tawkin, mam em emin an siam tawn a, kekawrbul mawng a hek teh a nia. Chhuk lam chu mawngtawlha thlen thlak a lo ni lo thei si lo a! Chawlhni hmasa chhuakah khan Sikulpui vel kha ka sawi a, a hnu lawk khan ka mumangah khi lai vel khi ka hmuh avangin ka lung a leng a, kan nu nen Sikul kawnah car-in min han dah tawp a, tichuan Sikulpui step kan tih thin kha a lo awm der tawh lo mai a. Kha step kha Aizawl Bawrhsap pisa, lamlianpui atanga lawn chhohna ang deuh saw a ni a; mahse, saw sawn a tluk tawh lo. Step 52 a ni a, a laiah chawlhna tur ni maw, fit 3 vela zauin an tihlai a ni. A sir tawn tawna tuiluankawr, naupang kum 10 vel mi mawng leng tawkin, mam em emin an siam tawn a, kekawrbul mawng a hek teh a nia. Chhuk lam chu mawngtawlha thlen thlak a lo ni lo thei si lo a! Sikulpui luhna tak step khi chhawng thum a ni, a sang ber chu lung tlawn khat fit 5 vel, step laita chu lung 2, fit 3 leh a chanve vel ve ve, a hnuai ber a pathumna chu lung phek 3 fit thum vel theuh a ni ang. Sapho uluk dan kha a lo mak hle. Chu lung rem chu ka han en ngat a, a ngai ngat a la ni. A building hrim hrim chu a tawp tawh ngei mai! Sikul sen, sikul ka kai tanna chu a la ngai deuh na a, sak belh apui a tam a, ka hre hrang thiam vak lo. He sikulsenah hian A Pawl 1934 khan ka ni. Tuna vai sikul ni ta nen khuan kan inthlak deuh sek a, 1938 khan Pawl III ka ni a, kum 9 chauh ka nih avangin ka paten min chawlhtir a, October thla atangin, phuanberh ka hum nasa mai maw le! 1939-ah Pawl III-ah bawk ka lut a, final exam-naah Mizoramah 2-na ka ni. Scholarship ka pan lak a phal lo. Khang lai khan Rs. thum leh duli thla tin a ni. Ka ui teh a nia.   Middle School-ah chuan kum 1940-ah Pawl IV ka zawm ve ta a, Section A, B, C-ah min then a. Kei chu Sec C ka nih avangin sikulsenah bawk chuan ka lut leh ta a ni. Middle sikul naupang reng reng kha phekhawk buna sikul kai an phal lo a, sikul pum puiah Paul Zakhuma (s/0 Dr. Pika) chauh kha special permit-a bun phal a ni. Aizawl mi ka pawlpui la dam ka’n hriat theih mai chu Zosanga, Zarkawt, Pu Buchhawna fapa a ni. Ani pawh a rawi-chak vak tawh loin an sawi. Kan inrual niin ka inhria. Pawl IV, Sec C-ah chuan lian deuh tak Lalthuama a awm a, kan zirtirtu Pu V.L.Lawma’n hming a lam laiin ring tawkin, “Yes Sir,” a ti vak mai a, hrem nan sikul zawl koah lamlian hawiin vawi 50 ring tak takin a ‘Yes Sir’ tir a, Monitor ka nih avangin min ventir a, Nilain bazar ni a nih avangin a ‘Yes Sir’ apiangin kawng kal reng reng chuan an rawn chho en a, an nui deuh vek zel. Tum khat Lalsiamliana leh Zathuamluaia pawh a man pek a, Lalsiamliana sam zai, zai khat tetea a pawhin zai 10-ah lehkhapuan phek khat a chawi zel tur a lo ni a, a hmuh takah siah chuan blackboard bulah a ko chho a, “Inhlawhfa in ni a, han bei leh teh u,” a ti a, “Zai khat tetea i pawh chuan i hlawh tam lo vang, zai 4/5-in pawt la a hlawh ang,” tiin zai 4, 5, 6 tein a pawt bu lawp lawp mai a, kan nuih nasa. Naupang hrem tuar vuak dan kha Class I, II, III-in an then a, tiang pawh a hrang. Pu V.L.Lawma Class I, Pu Pautuhmunleta Class II, U Lungmuana Class III. Tum khat pawh tuipu lawng tu tuten emaw an lo deng pil daih mai a, chutah chuan Class-in an then a, kha an vaw na hlein ka hria. Dawrpui (Zion Street-a mi pakhat, ring leader chuan a kut a dawh pahin, “Ka pu, naupang dang i vuak ai min vaw vek mai rawh,” a tih ka la hre reng thin).