Tun tum chu, ka puzawn U Rokunga’n ‘SANGHA VUAK HLA’ a phuah chungchang kha ka’n sawi daih teh ang. (Ka puzawn U Rokunga ka tih khan, “Mahni puzawnte han U chuh!” in titih ka hre kiau a nia) A chhan chu- ka nupui nen hian kum 9 zen zawnin kan inthlau a. An in leh kan in inkarah hian in khat chauh a tla lehnghal a, Kum 1940 khan Venghnuai atangin Mission Vengah an lo pem chauh a nia. 1940 chuan ka nupui chu kum hnih mi chauh a nih chu! Pa kawm nuam em em, tupawh mai hi a rualpui kawma kawm thiam a ni a, Loch Printing Press (Synod Press ni ta hi) ah hna a thawka, tuk tin tlai tin hian kan in chu a pel thin a. Chung vel atanga U Rokung kan tih luai luai tawh a ni. A fanu ka neih takah chuan Ka pu ti tur ka nih pawh hi hre mah ila, kum 1940 atanga 1956, kum 16 zet U Rokung tia ka lo koh ngheh tlat tawh, a fanu ka neih tak avanga han ‘Pu’ leh rih hi tak lo (phuahchawp) riaua ka hriat avangin, ka U hlen ta a ni.Tun tum chu, ka puzawn U Rokunga’n ‘SANGHA VUAK HLA’ a phuah chungchang kha ka’n sawi daih teh ang. (Ka puzawn U Rokunga ka tih khan, “Mahni puzawnte han U chuh!” in titih ka hre kiau a nia) A chhan chu- ka nupui nen hian kum 9 zen zawnin kan inthlau a. An in leh kan in inkarah hian in khat chauh a tla lehnghal a, Kum 1940 khan Venghnuai atangin Mission Vengah an lo pem chauh a nia. 1940 chuan ka nupui chu kum hnih mi chauh a nih chu! Pa kawm nuam em em, tupawh mai hi a rualpui kawma kawm thiam a ni a, Loch Printing Press (Synod Press ni ta hi) ah hna a thawka, tuk tin tlai tin hian kan in chu a pel thin a. Chung vel atanga U Rokung kan tih luai luai tawh a ni. A fanu ka neih takah chuan Ka pu ti tur ka nih pawh hi hre mah ila, kum 1940 atanga 1956, kum 16 zet U Rokung tia ka lo koh ngheh tlat tawh, a fanu ka neih tak avanga han ‘Pu’ leh rih hi tak lo (phuahchawp) riaua ka hriat avangin, ka U hlen ta a ni. Ka nu leh pa kha ‘Ka nu, ka pa’ tiin ka nupui chuan a rawn ko mai a, chuti e ti lo chuan a nu leh a pa chuan ka nu leh ka pa chu .. ka pi, ka pu tiin an ko lehlawi si. An fanu aiin an naupang zawk em ni chek ni! Ka nupui hian tun thleng hian min la U ta ngar ngar bawk. Kan lo inkoh dan hmasa kha a nghet hle a lo ni. Tum khat pawh a nuin, “Mahni pasal te han U chu leh,” a ti rawk mai a, ani chuan, “Ka U loh chuan ka ko thei tawh lo, ka mawl biak mai a tul ang,” a ti ve hmak mai bawk! Vanrami leh Lunghnema leh Khawvelthanga te pathumin Chite luiah Sangha an zuk vua a. Chite lui tui tlem lai vuak chu a awlsam. Chinai kha ser (kg)-ah siki, Chengkhatin kg 4 a lei theih maia, Cheng hnih man te chuan thui fa a suartluan theih a, nghachhia, lengphar, nghadawl tih ang reng kan man ve nak nak thin. A lui a dam si, chet vel a nuam em em mai a ni. Chutia, hlim em em maia nula pakhat leh tlangval pahnihin sangha an zuk vuak chu VRi (Vanrami) chuan thiam tak maiin U Rokunga chu a hrilh (uankhum) vel a, U Rokunga kha kohhran mi tak (Kohhran Upaah 1945 ah thlan a ni.) ni mahse, mi tin mai hi a kawm thiam vek mai a ni. Tichuan, Vanrami chuan U Rokung, kan chite lui sangha vua kha a nuam em mai min phuah rawh” tiin a ngen a, chuta tang chuan he SANGHA VUAK HLA, sak nuam em em mai hi a lo chhuak ta a ni. Thangtharho hian sangha vuak nawmzia tam tak chuan in hre tawh awm lo e, chu bakah Sangha vuak hla pawh hre lo kan tam tawh mai thei a ni. Chuvangin ka rawn ziak chhuak ve hrim hrim a ni. 1. Kumsul vei khua thalin khua a sang hle tun kum chu,Khuangruahpui sur tum si lo vawiin ni chuan;Luipui dungah lenzai i rel ang aw,Tahchuan lengnghaten laitual a leng an ti.Lengngha man turin insiam che maw Valnema,Luipui tumbu leng leh leng nghate kan tawng mahna;I hnamchem, i kawlzal rawn keng la,Lengi lung lawman kal che maw Valnema. 2. Luipui dung kan zuk thleng, lengi lung lawm nui ver ver;Tin, ru-sum kan thlak e, lengngha sum-tualah,Chhei! Nghaleng a tuihal a lang zuai zuai,Lengngha tuaite mauraw thei belin kan chhum..Lengi lunglawm in eng dang reng a dawn chang lo,An nui ri te chuan luipui dung a thangkhawk e;Valan len a vawr, a man leh ta,Lengi hlim au ri rawi rawi chu A-ha-ha. 3. “Chaw kan ei dawn ta e, lo haw r’u,” lengin a au,Valneman lawmin lo chhange an nemin;Chuti kan hlimzia chu ka hril seng lo,Hlim leh lawmna tawp thang i-hi, a-ha-ha.“I hawng tawh ang le, insiam r’u a tlai ta e,Tlai pawh var ila, kan la inning chuang lo’ng e;I hnamchem i kawlzal rawn keng la (karei aw)Lengngha chhung tlai hawn tu ber chu keimah ni” (le, a-ha-ha)   Thangtharte u, kan tlangval ve lai kha chuan, sangha tihpun lam a awm lo, a man tam thei thei a ni mai, Nuam tak a ni nuam tak! Khang hun lai kha chuan preservation lam kha a tu-a-mah khan kan ngaihtuah lo. Sangha chang lo, Ramsa pawh. Kangtek hawng emaw, Rulei (Ru-sakei) te in kan vua a, Sangha rui tur vaukam lam an rawn pan kha kan um a, kan tlan nawk nawk. Hmeichhia in khang lai (1940s) te kha chuan panty an ha lo Sangha rui man awlsam dan chu an pawnfen khan an thal mai thin, “Ka mawng ka hlim” tihna chang reng reng hre loin an pawnfen khan zuk thal thin a le!!! Kan bawrhsap S. Barkataki pawh khan, “Saza min kahsak rawh u,” a tia, Sairang kawngah U Bawlliana (Sikulpui kawn) khian a kahsak a, ramchhuak zingah ka tel ve a vangin, Bawrhsap banglaah ruai kan theh maw le. Khanglai kha chuan kan mawl theuh a ni ang chu, tihpun lam reng reng kan rilruah a awm lo, tihhluma hlim taka ei dur dur kha a ni ber mai. Tunah zawng thangthar in fing ta, in fel, keini tihrem tep tawh kha a tihpun lam in rawn bei leh ta a, Chite lui tihfaite in thupui fing leh tha a ni ta. Keiniho kha chuan Nuam tawl ringawt a ni mai. U Kawltukhuma (Vanlalnghaka pa) te kha .. “Chhuana, nizan chu maw..malpui tiat, ka lenin a chhiat vek phah teuh a nia!” ti reng rengin kan titi thin nia. Kan lo va A teh reng em, kan tihmang thelh kha in rawn tipung ve thung dawn a nia, in ti tha e. Tang zel rawh u.