Harh zual lai bawk aw... Ka han tlangval chhuak ve chu hmelchhe em emin, tumahin min ngaizawng ve lo mah sela, Mizo danin tlangval chu nula rim thiang a nih avangin nula hi- min duh e- duh lo e- ka rim nasa- Census Supervisor-a ka tan lai- thla 4 chhung pawh khan Khawpuar atanga Thaidawr (|iau kam inkara khuaa ka riahna tawh phawtah chuan Nula rim ka thelh miah lo! Ka taihmakna zawng tak a ni.Harh zual lai bawk aw... Ka han tlangval chhuak ve chu hmelchhe em emin, tumahin min ngaizawng ve lo mah sela, Mizo danin tlangval chu nula rim thiang a nih avangin nula hi- min duh e- duh lo e- ka rim nasa- Census Supervisor-a ka tan lai- thla 4 chhung pawh khan Khawpuar atanga Thaidawr (|iau kam inkara khuaa ka riahna tawh phawtah chuan Nula rim ka thelh miah lo! Ka taihmakna zawng tak a ni. Mission Veng chu in 75 aia tam awm phal loh ka tih kha. |um khat chu Mission Veng nula ka rim chhuak vek dawn ka tia, Tlangbawk Veng atangin ka rawn hmatiam ngat ngat a, kan kawmthlang Pastor Chhuahkhama fanu Thangliani (w/o HK Bawihchhuaka (L)) leh an thenawm Tirhkoh Muka fanu, Zokhumi (w/o J. Lalsangzuala, Kulikawn) te khan rim nih an thiam ikhaw lo mai. Ka han leng chu “Eng nge i duh?” an tia... “Tlangvala pumpa, ka lo leng ve,” ka’n tih pawhin, “Eng nge i duh a?” an ti sek mai. An awih thei reng reng lo. Mahse ka leng ve ta tho tho a, mahse rimah an inngai miah lo. U Sangzuala leh U Bawihchhuaka khan an nei nawlh mai a ni ta ve ang. Nula, tlangvalin an rim than leh than loh chu a lo dang teh meuh mai. Pu Vannawla fa te-- kawp lai nei lo 4-Ka ni Sangi, Saii, Rozami (Rorami ka’n ti hram teh ang, lung a leng thar tlat) leh Rammawii (tleirawl ngaihno bei deuh) te an ni a, Mission Venglai, veng mawng a awm an ni. A! zep lovin aw...hnute deh kan uar vanglai kha a nia inkhawm bang hi kan lo chang a, dawrkai thlaah chak takin a lo chhuk a, ka um hak a, a chak khawpa, Pu Vankhuma kawt kawr te chu a zuan khum par par zo! kan um zela, an kawngkapui an lo hawng uar a, ka tlan lut rual kan thaw hle hle thin! Chuti chuan a hnute khawih miah loin zuk chhuah hlawm ia le! Nula rim chi chu 3 an awm a nih chu. Ka ni Sangteiin Kuhva khawr a zuar a, vaihlo zial an zuar bawk a (zial 10 pawisa 4 (6 paise) a ni.) Kan aia u J. Lianchungnunga tih ang reng khan U Seii an rim a, keini hnuai deuh hoin Rorami (kan koh dan), kan aia hnuai deuhin Rammawii. Rorami platoon chuan Vaihlo zial lam kan khawih ber, chair ah kan thu kuala thlangra kan chawi a, A zial chak khawp a, tlangval 2 in kan tawn hneh lo, a tla tawp tawp mai nia. Thlangra chu chaira thu chungin kan malchungah kan chawi kual mai a, thlangra hnuaia, nula chawn vel kha a khawhar thei bik lo. Mahse kei mahni kha kan inthik atalangin kan intlawh ru sak sak a, kan inmelh kual reng bawk si a, eng tak mah, a tua mahin an/kan ti thei chuang lo. A khup an nek bik ang tih hlauin kan inthik tham mai nia. Tunlai thangthar tih dan a a fal lam kha kan ngaihtuah tak tak lo, a huhoa rim kha a nuam tak meuh zawk a lo ni. Thing eh a tul leh, laltin (kerosene lantern) engah kan ek pawp pawp mai. Saii pawl leh Rorami pawl tiin hmun 2ah te kan ek a, zan khat pawh Lianchunga chuan a chek tleu a, a in hliam nasa thelh nghe nghe a ni. “A fal te’n, nang nen” lam kha ni loin a huhoin kan hlim em em thin. Nula rim lai a, “Mi zawn tur a awm e, tlangval...,” tih authawm kan hriata, kawrchung kan han phelh thaka, mahni nula rim te malchunga kan ha vawm tawm hmawka, kan han tlan ve nal nal mai a, a tuk zana mahni kawrchung lam te kha a nuam kan meng titiik ve nasa thei mawle. Tunah zawng khawvel nun a dang ta, mi-zawn tih te pawh thangtharin in hre tawh lo ang. Lirtheiin kan inphur ta zel mai si a... chu’ng lai chuan mizawn thlanlaih tih vel hi tlangval infiam vena a ni. Thlanvunga inbuan/inchai. Thlanlai lai chhawk kan tum, an phal lo, thlanchhunga bawngtuthlawh han inchuh ngar ngar mai te kha, kan han in bin chhuaka, a vungah kan han inchai fiam zuia... khangte kha thangtharte u, in hmu pha ve ta si lo a, hmu phakin tel ve phak ni ula, a nuam ti ti, a chak chak in niawm sia le. Nula hi ka duh/ka ngaina ngang a niang, mikhualna hlekah pawh ngaihzawng ka nei hman zel. Ngurkhuma danah, “Ka hmangaih ber deuh vek zel mai. Darlawna kar khat ka han cham pawhin... Pari lakah ka chhe thlu hman der mai. An ni min ngaihzawn leh zawn loh lam chu ka hre lo, ka ngaizawng nghal titih zel mai. Pari phei kha chuan Arm Veng velah sawn pasal a nei tiin ka hre ta. Baktawngah te, Bilkhawthlirah te, Mi ngaizawng awm ve si loah chuan ngaihzawng ngah ber ka ni ta ve ang. Khang hun te kha, “Mual an liam ta kir an rel lo” tia ka pu-zawn, U Rokunga’n a lo phuah te kha a dik ta ngawih ngawih mai a nih hi.