Tun Thawhtanni, 25-6-2018 khan, kan chhungkuain kan kawmngeih ngawih ngawih thin, Tepui, Kulikawna Pilot Lalhminga farnu chu hun lo deuha (thih hian hun a nei emaw ni?) boral kan nupain, pak chheih khah rawn ti meuhin kan va ral ve e kan tia. Ka hriat ve chu rangva in chung, Pu Thangkhama in kha a nia. Kan va luhna chu, a hnuai ber garrage, car 5/6 awmna a ni phawt mai a, a chhawng chung lamah kan chho a, Nurse te khan hmu, X-ray deptt tih te, BN Hospital an tih hi a lo ni a, kan chho zel a, an in zau deuh mai chu a lo awm chauh mai! Lalhminga kan hmuh hmasak ber chuan thu dang sawi loin Dengchhungi hmel ka hmuh châk luat avanga Pi Hualhnawlhi te nen an inkar barbed wire, ka mal lai vei lam inches 4 zeta seia ka pal rin ruak phah kha a sawi hmasa ber a. A hun chiah ka hre ta lo, kum 70 vel chu a liam ta a nih hi! Chutia min hrilh ta chu tiin ka hawn veleh ka teh leh ngat a, tunah pawh a ser ringawt pawh inches 4 chu a lo la ni! A sarhu lai khan teh ila inches 6 te chu a lo nih hial dawn hi ka ti deuh, nula hmeltha en châk hlawh man lo tak a ni. Tun Thawhtanni, 25-6-2018 khan, kan chhungkuain kan kawmngeih ngawih ngawih thin, Tepui, Kulikawna Pilot Lalhminga farnu chu hun lo deuha (thih hian hun a nei emaw ni?) boral kan nupain, pak chheih khah rawn ti meuhin kan va ral ve e kan tia. Ka hriat ve chu rangva in chung, Pu Thangkhama in kha a nia. Kan va luhna chu, a hnuai ber garrage, car 5/6 awmna a ni phawt mai a, a chhawng chung lamah kan chho a, Nurse te khan hmu, X-ray deptt tih te, BN Hospital an tih hi a lo ni a, kan chho zel a, an in zau deuh mai chu a lo awm chauh mai! Lalhminga kan hmuh hmasak ber chuan thu dang sawi loin Dengchhungi hmel ka hmuh châk luat avanga Pi Hualhnawlhi te nen an inkar barbed wire, ka mal lai vei lam inches 4 zeta seia ka pal rin ruak phah kha a sawi hmasa ber a. A hun chiah ka hre ta lo, kum 70 vel chu a liam ta a nih hi! Chutia min hrilh ta chu tiin ka hawn veleh ka teh leh ngat a, tunah pawh a ser ringawt pawh inches 4 chu a lo la ni! A sarhu lai khan teh ila inches 6 te chu a lo nih hial dawn hi ka ti deuh, nula hmeltha en châk hlawh man lo tak a ni.   Anni unau za kha - U Laii, Thanmawia, Dengchhungi, Vanpari - hmel hlim (smiling face) nei a ni a, an hmuhnawm. Smiling face tih takah chuan Durtlang hospital-a zai tura ka luh rualin Sihphir pa, a khup kawi sawh keh nen kan lut rual a. Tuk tin hian Pi Puii khan min tlawh a, damlo zawng zawng lakah khan smiling face a beisei a. Chu Sihphir pa chuan smiling a lo tilang ngai lo em ni tehreng, Pi Puii chuan, “Well, tuk tin ka rawn hmu che a, i nui hmel ka hmu ngai lo,” a han ti a. Chu pa chuan, “Ka pi, a za lo a ni,” a ti hmak mai! Keini ang hmelchhiate hi chu... smiling face ka hmuhtir e te hi han ti ve mah ila, an la ngei ta dahrual a, ka piang vanduai teh bik a nia. Kan han thu ngawi vete hi thinrim emaw te min tia, Siamtu pawh hian duhsak bik chu a nei em ni aw a tih theih!   Dengchhungi te unau ka hriat ve phak chinah chuan U Patea leh U Thangkhuma kha an smiling face lo deuh em... mi dang kha chuan hlim hmel an pianpui bik a, an vannei chungchuang. Keini ang duah chuuh tuin emaw min hmuhte hia, “An hau che elo?” tih chi hian kan piang hrim hrim mai. Chuvang a niang, kum 27 thleng ka tlangval ve nia, tumah min ngaizawngtu ka hmu lo, keiin ka ngah tehlul nen. Ti phut ila, tunlai thiamna sang te, kan hman tawm ve phak deuh - mobile phone hi ka ngaihtuah nasa thin, puitling tin deuhthaw - chhungkaw tinah hian a awm ta mai si a - thil inhrilh velte kal hah leh lehkhathawn ngai loin kan hmel melh melh a, thil pawimawh kan inhrilh zung zung mai. Tlangval zualko tlante hi a ngai ta miah lo. Aizawla boral pawh chawplehchilhin London, Japan, America, khawvel pum chu kan inhrilh nghal ta mai chu a nih hi. Thalai mawlh hi in vannei ka ti thin. He mobile phone awm hma hi chuan tlangval zualko hi, Aizawl atanga chawhma kal chin chhung lam chu chhun e zan e, kan zualko vawng vawng mai thin kha a nia. Aizawl atang hian Lungleng, Khawchhete, Hlimen, Melthum, Bukpui (Paliana khawthuhruk, Chite ral), Zokhawsang, Zemabawk, Sihphir, Durtlang, Sairang, Maubawk, Ailawng thleng thlengin zan e chhun e kan tlan lawng lawng mai a, kan lo thleng a, chaw mumal ei hman loin, thlan laih, chutah khawhar in riah. Kei phei hi chu pa rual chhungkua, kan inah khum pawh ka nei lo. 1948 - 1952 khawhar inah riakin, chuta tang chuan Naga ramah ka kal zui mai.