Ka hming tawka Bvt ka dahna chhan hi ka sawn nawn leh teh ang. Ka hming hi hawrawp 11 a ni a, Bethlehem Vengthlang tih hi hawrawp 19 a lo ni bawk a, hawrawp 30 ziak turah 14 chauh ka ziak/type tihna a nih chu. Thatchhiat vang!Ka hming tawka Bvt ka dahna chhan hi ka sawn nawn leh teh ang. Ka hming hi hawrawp 11 a ni a, Bethlehem Vengthlang tih hi hawrawp 19 a lo ni bawk a, hawrawp 30 ziak turah 14 chauh ka ziak/type tihna a nih chu. Thatchhiat vang! Kum a tam ta deuh nge, min ngaizawng awm ve tawp si lo hian tlangval lai kha ka ngai bik. Ngaihzawng hi chu ka ngah khawp mai; mahse, min ngaizawng hi an awm ve lo a! Chuti chung chuan ka lung tileng hi an kat nuk tho. Eden huanah khan kan Pathian khan inkawp turin hmeichhia leh mipa a siam tih kha a nia; mahse, kei VE hi chuan kum 27 ka nih thlengin min kawp duh ka hmu lo, KA PAWNGLAK a ni ber! Keima lam atang hi chuan hmeichhia min ngaizawng hi ka hre mang lo, ka hmuh hnuhnung apiang hi, ka thianpa danah ka hmangaih ber deuh zel mai nia! To lo thawmhnaw a nih chu. Chuti chung chuan hmanlaia ka nula rim ve thinte leh khawlaia ka kawm ve mai mai thin, inkhawm ban kawnga chhawm tiamin, ka ngai ta em em hlawm a nih hi. Dengchhungi ka melh nasat luatah ka mal vei lam thir pal hlingnei ka su a, inches 4 zet a rin hîk mai a tih ka sawi kha (hei kum 70 dawn lai liam hnu pawhin a la ser kual kalh mai, inches 3 vel chu). Hman ni khan min rawn phine a, chu pawh keiman ka phone sek a, min chhang duh lo emaw ka tia; mahse, min rawn chhang ta a. Shillong atangin, a ni chu a pasal (A.Thanglura)-in a boralsan tawh a, a hmeithai ni ber maw ka ti mai. Mahse, mi lian a nia, a fanute pawh Sweden-ah pahnih lai chu an hralh awm e, kawppui nei lo ta chu a khua a har ve thinin ka ring. Dawrkai Venga a nulat laia, tlangvalin an rim thin laite kha a hre ve vawng vawng thin chek ang. Kei pawh hi, Kulikawn nula, Venghnuai nula, Thakthing Veng nula (Sapthlenga nen khawchhe hnuaia Kungliani la phiar kan ke a bat, Venghnuai kawng peng thlenga kan pal pheite kha), Dawrkai Veng... a bikin Lalliani, Biakchhungi, Zachhungi, Zochami, Vanpari, Mawitei, Chhanhimi, Lalthuami (perhpawng pun zana kan man nasatzia kha), Lalthianghlimi te unau... ka sawi seng lo. Mission Veng nula zawng zawng ka rim chhuaha Zokhumi (U J.Lalsangzuala’n a neih tak) leh Thangliani, U H.K.Bawihchhuaka’n a neih tak bawk) ten ka rim tih an awih lohzia te kha, an boral tawh na a, kei chuan nizan ang maiin ka la hmu chiang. “Ka rim che u a ni,”?ka tih pawha, an nute pawhin an awih theih miah loh lai velte kha ka tan chuan NIZAN ang mai a la ni. Eng emaw chang hi chuan dam rei hi kan châk sakhai tak na a, mahni tawn (thil hlui) kan hre reng lo thei si lo a, eng emaw ti zawng chuan a hrehawm khawpin ka hria. Tunah hi chuan ka hriat theih chinah ka ngaihzawng thin 3 chu an la dam a, kawppui an nei tawh lo theuh, a tar a tarin an harh ve zek mai (Dengchhungi chu a tel lo a nia, a hlim-hmel (smiling face) hi a hmuh a nuam e tih thu vanga inhliam ka nia, a hmel a tha; mahse, ka ngaihzawng chi a ni lo. Nupa kawpchawi, kum 80 chuang dam duna kan la awm thei hi Pathian khawngaihna a ni ber a nih hi. KA HUANG pawh hi ka tupe hlei thei ta lo a ni ber mai. Mit vei lam chauh ka hman theih chu sawi loh, kut leh rilru pawh a khawngin a mang tan ta.