Tun hnai deuh KA HUANGah khan nula kan rim thin thu te ka ziak kha a nia thangthar leh zualin TIM awmzia an hriat loh ka hlau leh si a, Tlangvalin Nula kan rim tih chu 'thian kawmin kan inkawm' tihna a ni ber ang chu. Inngaizawng pawh kan ni chuang loin, nila inah tlangval rual 4/5 te kan leng a kan inkawm hlim mai mai a, chu chu RIM tih chu a ni ber ang chu. Tun hnai deuh KA HUANGah khan nula kan rim thin thu te ka ziak kha a nia thangthar leh zualin TIM awmzia an hriat loh ka hlau leh si a, Tlangvalin Nula kan rim tih chu 'thian kawmin kan inkawm' tihna a ni ber ang chu. Inngaizawng pawh kan ni chuang loin, nila inah tlangval rual 4/5 te kan leng a kan inkawm hlim mai mai a, chu chu RIM tih chu a ni ber ang chu. Hmanni deuh khan Mobile No. 7085628548-in sms-in kum 17 vel i nih laia khrismas urlawk leh kumhlui thlah zan in hman thin dan min rawn hrilh teh a ti ngut mai a, hei ka thiam ang angin ka rawn ziak a. Kum 70/75 lian t vel chanchin a ni ber ang a. Heith hun lai hian Mission Veng pumpuiah hmun hnih ah chauh Khrismas/ Kumthar kan nghat a. Dawrkai Vengin hmun khatah, Venghnuai ah hmun khat, Thakthing Vengah hmun khat chauh bawk. Kohhran denomination hrang a la awm mang loh avangin veng khatin hmun khata hman mai kha a harsa lo a ni. Eng ang vakin ka hmang chuang lo a, ni leh pa lungleng zaikhawm a ni ber mai a, Tihpui hun a nih avang leh sikul te pawh an lo chawlh tawh a, lo nei te pawhin an hna pui an zawh tawh avangin mitin mai hi kan zalen tawh a ni ber. Zaikhawmna in (Khrismas/Kumthar thlengtu) a kal kha hmeichhe tleirawl tan pawh free vek a ni bera, nu leh pa thikthu a chhe lem lo. Keini mipa hoin nula kan la rim ngam tak tak vak loh avangin hmeichhe tleirawl pawn lo chhuak ngamho chu kan lo bawr ve nasa mai thin. Kum 1947/48 vel lai kha chuan nula leh tlangval zan khawthim hnuaia 2 chauha kal hi a zahthlak, thil thianglo tluk a la ni. Dik tak chuan kan ngaihzawngte hi miin an hria ang tih kan hlau ngawih ngawih mai thin. Kan chhungten an lo hriat ruka, min han dem fiam te hian kan zak ngawih ngawih thin. Tunlai thangthar hi chuan an hre lo ang tih in hlau ni maw tih awl in nih him in khawsak dan! Urlawk zan vel hi chuan lenkhawm zai hi kan la thiam ve loin kan tuipui vak si lo a, mipa lam hi chuan veng dang tlawh hi kan uar nasa thin. Kan sawi tawh ang khan kei chuan Khrismas thlengtu veng hrang hrang in 5 hi ka kar ber. Kulikawn hi, eng veng nge ka hre lo, ka tlawh ngia miah lo, heng hlimpui lai hian. Dam vengin kum 1951 atangin Khrismas an ti hrang ve niin ka hria. Chutah chuan Re. 1/- thawhin ka tel ve nghe nghe. Khrismas/ Kumthar vela ka vah nasat em em chhan hi - nula min ngaizawngtu ka hmu ve zo si loa, keiin ngaihzawn loha hleih pawh nei si lo a, chuvang chuan, Mission Vengthlang atanga Venghnuai hmun 6 hi zan khat thil thuah pawh ka kar chhuak deuh vek zel mai a ni. Zai chung changah chuan ka zaikhawm vak pawh ka hre lo. Khang hun, kan harh vanglai ve te kha a lokir dawn tawh si lo. Lung a leng thlawn mai a nih hi. Eng emawti zawng chuan damrei hi a hrehawm ang reng. Ni 16/11/2018 (Zirtawpni) khan Dengchhungin Shillong atangin min rawh phonea, a ni pawh lungleng bawk. A vanglai a ngai ve hle ringawt mai a ni. A ni phei chu a pasal, A. Thangluran a boralsan daih tawh si. Khawhar hi hrehawm hle e ti loin thih hi chu kan duh ber bik si lo a nih hi. Amah Dengchhungi ka melh nasat luat vangin thir hlingnei pal ka su vaka, ka malpui vei lam inches 6 dawn laiin achhun pilh vek maw le! Hei tunah pawh inches 3 emaw chu a la lang thei.