Kumpinu (United Kingdom lal) hnuaia India ram hi a awm lai chuan Indian empire tih a ni thin (15-8-1947 hma). Chutih lai pawh chuan Mizoram (Lushai Hills District) chu Excluded Area tih bik a ni a, rorelna hrang deuh bikah kan awm a ni awm e. Kumpinu tihna chhan kha East India Company tih atanga Company vel atang khan kan ti Kumpinu a niang. Queen Elizabeth/Mary lal lai vel ni maw?Kumpinu (United Kingdom lal) hnuaia India ram hi a awm lai chuan Indian empire tih a ni thin (15-8-1947 hma). Chutih lai pawh chuan Mizoram (Lushai Hills District) chu Excluded Area tih bik a ni a, rorelna hrang deuh bikah kan awm a ni awm e. Kumpinu tihna chhan kha East India Company tih atanga Company vel atang khan kan ti Kumpinu a niang. Queen Elizabeth/Mary lal lai vel ni maw? Chu Kumpinu hnuaia kan awm lai (1948 August hma) chuan Lushai Hills-ah pawh hian Saphoin thil an rawn ti ve thin. Empire Day te, Armistice Day te kan hmang ve thin. Armistice Day chu kum tin 11th November hian Aizawl sipai Lammualah hman ziah a ni thin. November ni 11, chhun dar 11 leh minute 11 chiahah sipaiin lammualah chuan laipui an kap dur dur thin. 1934/35 te khan kum 6/7 mi lek ka la ni a, ka pa ka zui ve thin a, ka pa khan lammual chhung chair a chan ve phak thin avangin a bula kal kha ka tum tlat zel. A hnua Bawrhsapina thing innaah kha chuan zui zel a phal lo a, thiante nen kan hawng mai thin. King George V-nain kum 25 ro a rel (silver jubilee) te khan engtizia emaw ni, kan inah Sial an talh a, sa patuai, a ki kheh tan hi a nia, a vengin kan ei ve ham ham zel mai. Zanah (thimhlim) Assam Rifles-in chhim kawtchhuah lamah kawng an rawn zawh a, baja nen, Mission Veng chuan Sikulpuikawn, Mission Venglai pan tantirhna vela Batlangken kungah te LONG LIVE THE KING tihte lehkha bawmah tarkin a chhungah sathau khawnvar kan chhi a, zan pawh ni se, a chhung a en avangin a lang kuau tho. Armistice Day tih a ni tak nain, Kumpinu lakah khan (Allied Force) German lam (Axis) kha a dawl deuh ni berin ka hria, chuvanga inremna siam an ni awm e. Indopui II-na (1939-45) pawh khan chuti ang deuh bawk chuan Allied Force leh Axis kha an indo a, Japan khan Allied Force lakah indo a puan rual rualin American lawngchawlhna kha an inrin hma hauh khan a bomb chiam mai a. Khata tang khan America pawh kha indonaah a lut ve ta a, a ri phut mai a ni a, Burma ramte pawh kha a rawn la nawk nawk a, Mizoram pawh kha a lo lut thelh a ni. Bomb-te pawh Aizawlah khan thlakin ka hria a, pawi erawh a khawih lo a. A hma zawng kha chuan Europe lam khu chuan indo an puang zet a, an indo thin a nia, Japan-in Pearl Harbour a bomb thut atang kha chuan Japan kha a phakar bawk a, hrilhlawk loin a rawn bomb thut mai a nih kha (surprise attack). Kei ve ngiang pawh hi tling lo chung chungin 1945 kumtir te khan Assam Regiment-ah ka zuk tang ve a, khatih lai kha Rawngrut (recruit) hlawh chu Rs. 16-1-0 (Rs. 16.13p) a ni. Clerk lama tang ka ni bawk a, zanah hi chuan roll call tlai khawpin chinema kan en thin. |um khat phei chu RP duty-in min man a, revolver tein min kah a tum vel maw le!!