January ni 29 (Thawhlehni) 1952 chuan Sai sual, mi loa buhte chil chhe \hin an tih chu Pu Bawktaia chuan a kap thlu ta a, a nawn an tan hmawk a, tlangval pakhat nen min chan dun tir a, a nawn, a lunghnun, a thin tih ang reng vel kan insem a, ipte pui ang hawk \heuhin kan chang! A tukah Bilkhawthlir khua, a meikhuchhuakin in khat a\angin pakhat kan thawk leh a, kan thahnem bawk a, a sai a hrawl lo a, chhipzawn emaw chauh a ni bawk a, a vun nen kan kawn vek mai. Han siam takah chuan a kephah te hlei hlei hi a lo tui nia. Ka hnathawh ve na kha Bilkhawthlir/Vairengte phaikuam a nih avangin, ka ngeih lo khawp mai a, Sai phurthakte ka kai a, ka han Malaria vei leh ta dahrual a, ka chhungte’n bâng mai tura min tih takah chuan thla 9 emaw lek thawkin resignation ka tender ta a ni. Tichuan, 1952 chu ka hmang tlingtla satliah ta a ni ber. July ‘53 thla tawpah Naga rama Excluded Area ni \hin, India kan independent tak a\anga District pangngai dah tumin India sawrkharin a tuamhlawm ta a, chutah chuan Bawrhsap (Political Officer) atan, Kelsih lal fapa Capt. L.R. Sailo an dahna Tuensang District-ah ka thianpa Ngurkhuma (Darlawn) nen kan kal leh ta a. Kei chu Lower Division Assistant, Noklak Outpost atan min la a, chuta kan hotu chu, Zothangseia, Base Superintendent a ni. Office thawk chu amah nen chauh kan ni. A bak chu Dobashi (du basha- \awng chi hnih thiam) 4/5 an ni mai. Helai hi chu hnam chi khat Khiemnyngan (tui-hnar) chenna hmun a ni. Mizo \awng nen hian figure chhiarah kan inhrul viau... Tak, Nimeh, Pele, Pongo, Iuk, Chhiniak, Pachih, Lukau, Chhe tiin 1-10 hi an sawi. Anni hi chu saruak takmeuh an ni lo, pawnfen inches 7/8 vela fual/chhing an feng a, hnute tuamna lam chu a ngai ngai a ni mai! |hi an ngaina hle an awrh ngheng zel mai. December thlaa Christmas card ka hmuhte chu, “Babu, engah nge puitling i ni sia, hetiang milem te an thawn mai mai che?” min ti he haw mai a, lunglen an hnawt \iau duh hle! Mipa hi chuan hren-pereng an kaih a, kawr an ha lo. Doobashi erawh chu sawrkarin Waistcoat sen a pek chu uniform angin an ha. Khatih lai khan Naga National Council (Phizoa Pawl) kha an la hel hle mai. Kan dak runner Pampana chu pay bill thehlut turin Tuensangah October 1954 thla tawp lam khan, porter pakhat nen kan tir a, Tuensang HQs thlen hma mel 10 velah NNC in an lo lambun a, Dak runner chu a thi nghal a, porter chu a tlanchhe hman a, a hnungah an sat zui a; mahse, tlangval chak a nia,Teunsang HQs a tlan thleng thei. Kan dak runner te khua chu Pangsha an ni a, Dak runner thattu khua kha an zawng a, an tih dan chu, an rinhlelh khuah chem chhia an thawn a, an fihlim chuan an ni khan tuthlawh chhia an kir. Yimpang khuaah chuan an kir ve ta lo, November 1954 khan an han run nghek mai a, an khua an hal darh vek a, lu (head) 56 an rawn hawn a, zing dar 11 velah Noklak an rawn thleng thla a, mihring lu thar sar mai 56 lai an han dahkhawm chu rapthlak tak a ni. Thla pawh ka la a, a rei ta deuh a, (kum 60 kal ta) min ruk sak nge ka hloh ta niin ka hria. Chuti chung chuan Vengtu nei loin mau rap inah kalhna pawh awm loin kan mu ve nghal mai \hin a, Office erawh chu Assam Rifles hoin an veng a. A hnu daih Tuensang family nena kan awm hnuah- pa pakhat insurender tawh hi a lo leng a, “Ka pu, i thih a ai lo aniang, hmaaana Noklak i awm lai khan Noklak Outpost kha run tur a nia, ka tum tur i ni a, i hulhliapah ka awm reng tawh. Eng vang tehreng nge, \hulhna thu a lo thleng a, ka that ta lo che a ni,” min ti maw le. Min hrilh leh hun chu January 1956 vel kha a ni ta ve ang. Chung lai (1954/55) vel chuan ngaihtuah a tawi duh teh a sin. Keini ang mi dawih deuh tan chuan resignation tender mai a châkawm \hin, Chung head hunter te chu sawrkharin a hrem miah lo!