I fapa leh i fanu ban leh kiu kawn (kiu hmalam / ban kaihza) velah hetiang hi a awm em lo chik teh! “Ka hiah pilh a nih hi..  thilin min taina a nih hi...chu e kha e ek e bal e,” an ti fo. Hetiang hi i hmuh chuan Drugs an ti thin tihna a ni thei tlat mai! Nu leh Pa tam takin an hre lo a, an fate drugs ah an lo lut thuk fe tawh si. I fapa/fanu khan khaw lum lai pawhin kawr ban tlawn a ha tlat em? Thup a nei a ni lo maw?? Ngaihven teh.. An mut lai talin an ban leh kiu vel kha va en ru teh.. An harh lai pawhin nu leh pa chuan kan fate hi kan ‘check’ ngam tur a ni.. an ke lamah pawh a ni thei bawk. I fanu/fapa thisen zam kalna zui raiha hetiang hi a awm a nih chuan ‘investigate’ a ngai e. Kan thalaite hi drugs avangin an boral teuh mai dawn asin! Hawh u, nu leh pate hian kan fate i chik teh ang u..chhan tlak an la awm e. Facebook lamah ka post tawh a, he thil hi. Hmun hrang hrang atangin ‘Ka fapa / fanu banah a lo awm ngei a, ka zawt chiang a, drugs chu a lo ti ngei a. Engtin nge ka tih dawn?’ an rawn ti hlawm. “Drugs a nghei duh chuan kan pui dawn nia..,” tiin kan inchhang hlawm. Fate nungchang hi chik chuan hriat chhuah theih kan nei fo. Inchiu chi kher lo ruitheih dang pawh a awm a, an mizia chik loa hriat hleihtheih lohte pawh a ni. Rim nei si lo, hnuhma langsar hnutchhiah si lo ruihtheih a awm nual tih nu leh paten hriat tel a tha.