Zawhna: Mipa ka ni a, ka serh hmawr bawk lai hi kum 15-17 ka nih vel atang khan a rawn bawl ringawt a. A reh ve mai ka ring a; mahse, a bawl lai hi a zau tial tial mai. A na lo va; mahse, serh tuamtu vun han khawih chet (lik) hian a nuam lo. Min pui thei em?

Chhanna: Mipa sazu hmawr hi thil huat (allergy) avangin a bawl fo thin. A bikin kekawrte puan ngeih loh zawngte a awm thei a, chutiang puan an hak chuan allergic reaction hi a awm thei a ni. A dang lehah chuan damdawi huat zawng an ei/in palh avangin sazu bawl pilh hi a awm fo bawk. A dang leh chu enkawl fai that loh avangin fungal infection a awm duh bawk. Chutiangah chuan a khir varte pawh a insiam thin. A dang lehah chuan sex hman atanga inkaichhawn STD/STI natn avangin a awm thei leh bawk. A enkawl dan kawngah chuan damdawi han inchawh mai chi niin a lang lo va, skin doctor lo inentir ngei thei la, an pui thei ang che. Sazu hmawr hi zun zawhah te, sex hmanzawhah te uluk taka silfai a pawimawh hle.