Zawhna: Ka pu, mipa kum 35 ka ni a, hman ni deuh a\ang khan ka sazu a lik hnuaiah hian a na a, tunah chuan hnaite rawn awm a, tuilumin ka dep ringawt a, a na bawk sia, a vung bawk a. Inentir turin kal theih si loh, ka mangang khawp mai. Damdawi hnawih chite awm ang em le, khawngaihin min lo \anpui hram teh.

Chhanna: Mipa i kum ang zat, hetiang insawiselna neiah chuan hriat \ul hmasa chu invenna tel lovin hmeichhia sex i hmanpui tawh em tih a ni. A chhan chu sex hman a\anga kai theih natna Sexually Transmitted Infection (STI) eng emaw ber i nei a ni thei. STI hi hmeichhiaah insawiselna nei lem lova rei tak an vei theih avangin inrinhlelh nachang an hre mai lo va, enkawlna an dawn mai loh avangin an mipa mutpuite an kai leh mai \hin.

A dang lehah chuan personal hygiene (serh tihfai) lam ngaihthah vangin a awm thei bawk. Mipa sazu hmawr lik lai hi sex hman kher loh pawhin tisa châkna a lo chhuah hian serh tuihnang a lo insiam a, silfai uluk loh chuan hrik a ko vat thei bawk. Engpawhnise, a chhan hriat hmasak a \ha hle mai. Aizawla awm i nih chuan Civil Hospital-ah ni tin a inentir theih a, Skin emaw Surgery OPD-ah lo inentir la, i thisen test-te pawh a \ul a rinawm a. Sawi hreh lovin i harsatna hi chiang takin doctor te hrilh la, an pui thei ngei ang che. Ralkhat a\anga damdawi inchawh chu a him ber lo.